Gálatas 3:17 - Kaxinawá Bíblia (BR)

¹⁷ Hanua ma ana 430 bari kaya hawẽ yusĩa Moisés yuibia dasibi Deusũ Abraão bebũkiri yubani maewamakĩ txipu Moisés hawa betsa wamama iniki. Haskakẽ hawara Deusũ Abraão yubani hawa betsa wama ashũkubaĩshanikiki.

Kashinawa : Diosun Jesúswen taexun yuba bena yiniki

¹⁷ Janua ma ana 430 badi kaya jawen yusian Moisés yuibia dasibi Diosun Abraham bebunkidi yubani maewamakin chipu Moisés jawa betsa wamama iniki. Jaskaken jawada Diosun Abraham yubani jawa betsa wama axunkubainxanikiki.

Gálatas 3:17 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 15:18

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Gênesis 17:19

Deusũ ana yuikĩ: —Haskakiri mĩ shinaĩkiri ẽ hãtxamaki. Mĩ aĩ Sara kayabitũ bake bishanikiki. Bake bia huni bake kaĩshanikiki. Hanushũ kenakĩ: “Isaqueki”, ashãwẽ. Habe besti ẽ yubakashanaii. Hawenabu pakubainaibu hatu merabewapakeshanũ ika Isaquebe besti yubakakĩ ẽ kanetimawashanaii.

Jó 40:8

Miã ea txitekinã, kanekĩ ẽ txakabuwaima miã mĩ ea yuiai? Hanua mia ikirã, dasibibu bebũ hawa txakabuwaisma mĩ kaĩkatsis ikai?

Salmos 33:10

Nawã Deus ikũwãbuma dayakĩ haska betxipaikĩ hatũ mae anu daya ewapa tashnimatã hawẽ hiwebainaibũ Senhor Deusũ hatu betxipaiama nemakĩ beshtekubaĩmiski.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

Hechos 7:6

Hanushũ ana yubakĩ: “Mai kesua betsa anu mĩ bababu hatube hiwei buimabu harishũ nawabũ habũ escravo dayaru hatu washũ 400 ano hatu dayamakĩ hatu itxakawakubainaibu atimas ẽ hatu kupiaya mĩ bababu haria kaĩbirani beshũ na mai ẽ mia yubai anu hiweshũ ea duawakubaĩshãkanikiki”, ayamashũ hanushũ Abraão hawẽ yubaka xinãmati wakĩ Deusũ yunukĩ: “Dasibi minabũ huni bake tibi kaĩyã hawẽ hina kubitxi meshtekĩ bikubaĩshãwẽ”, aka

Romanos 3:3

Ana habiaskari haratutũra ea yukakĩ yuikĩ: “Judeubu betsabũ Deusũ hãtxa ana txibãma danaĩbuwẽ taeshunã, hawara Deusũ nũ judeubu nuku yubani betsa washanimẽkaĩ, nuku danãkinã?” ea wabu:

1 Coríntios 1:12

Matu tibikiri ea yuikĩ: “Nukũ betsabu ha irabekĩ yuikĩ: ‘Eãnã, Paulõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Apolõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Pedrõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Cristõ nuku yusĩni besti ikũwãkĩ ẽ txibãkubainaii’, ikĩ haska yuikubaĩkanikiki”, ea waxinabuki.

1 Coríntios 1:17

Hamẽ ea yunukĩ: “Ea ikũwãtã hatũ txakabu henekatsis ikaibu naximakubaĩwẽ”, iwanã, Cristõ ea yunuama iniki. Hakia ea yunukĩ: “Ekiri kakape besti datã akĩ hatu yusĩkubaĩwẽ”, akĩ ea nitxĩniki. Matu yusĩ kashũ yusĩnã betsabu hãtxa hawẽrua besti hãtxamisbu keskakĩ eari matu anu kashũ Cristo kẽwãma mã ea kẽwãnũbũ ẽ matu yusĩnirã, hamẽ Cristo cruzkia nukuwẽ taea mawanirã, hawẽ kuxipa hakimawakĩ hamẽ ẽ matu yusĩkeaniki.

1 Coríntios 10:19

Hakia yushĩ dami betsa kẽwaĩnã, dami hawauma inũ hawẽ kẽwãti piti hawauma nũ unaiĩ, nukubunã. Hakia habũ xinãnẽ ha yushĩ dami kẽwaĩburã, unãma haska xinaĩburã, hayaki.

1 Coríntios 7:29

Ẽ betsabu inũ ẽ puibuũ, ma bari keyui kemaya aĩyãkĩ matũ aĩkiri besti xinãma nukũ Shanẽ Iburi xinãkubaĩkãwẽ.

2 Coríntios 1:20

Ha inũ, Deus yubakani hawẽ bakewẽ dasibi shabakabi kaka kaĩmaniki. Haskakẽ yurabũ Deus kẽwãyã habũ hãtxa abukĩ Cristõ kuxipawẽ yuikĩ: “Hãtxa txanimaki. Habiaskaki”, ikĩ nũ kẽwãmisbuki.

2 Coríntios 9:6

Hanua haska hunĩ eskarabes mibaĩmatũ yunu ewai kaniai eskarabes tsekamis inũ, hunĩ mirima mibaĩma hawẽ yunu ewai kaniai akũhaira tsekamisrã, haska keska xinãkãwẽ.

Gálatas 3:15

Ẽ betsabu inũ ẽ puibuũ, haska yurabu yubakai xinaĩ hãtxamisbu keska matu yuinũ nĩkairakãwẽ. Yurabu yubakanametã xinãma tsuã henetiruma inũ tsuã betsa watirumaki.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Gálatas 5:16

Eska ẽ matu yusĩmis ana matu yuinũ nĩkakãwẽ. Hawara Deusũ Yushĩ Pepatũ matu yusĩa nĩkatã haskai besti pepai hiwekubaĩkãwẽ. Hamẽ haska xinã txakakĩ matũ yurã haska abuai matu amanũ, iwanã, yunuaiwẽ matũmebi txakabukĩ xinãyamakubaĩkãwẽ.

Gálatas 5:4

Haska Moisés yusĩa txibaĩ pepanũ ika txĩtũkirã Deus matuwẽ nuini pepa danaĩ Cristo henei mã hawenabumaki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Colosenses 2:4

Haska matu yuikinã, hau ana tsuãra yusĩa betsawẽ ana matu parãyamanũbũ Cristo besti unãnepahairakiri ẽ haska matu banabimaii.

Hebreus 11:13

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Hebreus 7:18

Habu dukũ katushũ Deusũ hawẽ hãtxayabi hatu yunubiani ha yunuti sheni babutũ nũ haki txiti ibia nukũ hiwea hawa nuku pepawatirumakẽ Deusũ nemakĩ beshteyuniki. Haskawẽ taeshũ Jesus nuku hãtxashunika tashnimatã hatũ daya binumaniki.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.