Gálatas 2:11 - Kaxinawá Bíblia (BR)

¹¹ Hanua Jerusalém anu nũ itxaxina menetã ana Antioquia mae ewapakiri nũ txĩtũkainima hiwekẽ habiatiãri Pedro nukuki bai kaxĩshũ hatu yusĩkĩ kaneaya ẽ ha bebũshũ ha ani matu yuinũ nĩkakãwẽ.

Kashinawa : Diosun Jesúswen taexun yuba bena yiniki

¹¹ Janua Jerusalén anu nun ichashina menetan ana Antioquía maewankidi nun chintunkainima jiweken jabiatiandi Pedro nukuki bai kashinxun jatu yusinkin kaneaya en ja bebunxun ja ani matu yuinun ninkakanwen.

Gálatas 2:11 Referencias Cruzadas

Jeremias 1:17

Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.

Jonas 1:3

hawẽ yunua hãtxa nĩkakĩ txibãkatsi ikama Senhor Deus anua pashai Társis anu kanũ ika ianẽwã ewapa kesha anu bai butua mae hawẽ kena Jope anu Jonas ka shashu ewapa Társiskiri kai betxitushitã hawẽ pashai kanũ ishũ peiwẽ pakatã Senhor Deus nĩkama patapakaini txaihaira Társis anu kanũ ika shashu ewapa merã inatã ma kaya

Jonas 4:9

hakia Deusũ kemakĩ yukakĩ: —Nishi ewashina ikis ma shanashuwẽ taea mĩ sinatakũkainairã, haska mĩ shinainã, pemẽ?— aka kemakĩ Jonasĩ yuikĩ: —Hawaikika, eã ẽ shinanã, peki! Hakia sinatayabi ẽ mawaii!— aka

Números 20:12

hakia Senhor Deusũ Moisés inũ Arão ana yuikĩ: —Ũpash hatu amakĩ haska ẽ matu yunua shinãkĩ mã akama inũ hatu bebũshũ mã pe ea hatu kẽwãmamawẽ taea ha mai pepa hanu ẽ hatu ibuwamashanai anu ha yurabube kai maturi mã hikiama ishanaii— akĩ Senhor Deusũ ha dabe hatu kupinikiaki.

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

João 1:42

hanushũ Jesus anu Andrẽ Simão iyua hanushũ Jesusũ uĩkĩ dais butã butãkĩ yuikĩ: —Miarã, mĩ Jonasĩ bakeki. Mĩ Simãobiakẽ ẽ mia kena dabeya waii. Cefas wakĩ mia kenashãkanikiki— aniki. Cefasrã, nawã hãtxawenã, Pedroki. Pedrorã huni kuĩ hãtxawenã, Mixki Ewapaki.

Hechos 11:19

Ha shabatiã Estêvão tenãtã habiatiãri dasibi Jesus ikũwaĩburi hatu itxakawai berukubaunaibuwẽ taea datei Fenícia mai pakea anu inũ, Chipre natukã anu inũ, Antioquia mae ewapanu pashai buimashũ judeubuma yusĩama hatunabu judeubu besti Jesuskiri kakape hatu yusĩaĩbũ

Hechos 11:20

hakia ha haskaibũ ikũwaĩ betsabu Chipre anuabu inũ Cirene mai pakea anuabu Antioquia anu bushũ Gregoburi Deusũ kakape Shanẽ Ibu Jesuskiri hatu yusĩrianibukiaki.

Hechos 11:22

Hanua Antioquia anushũ judeubumã ikũwaĩbukiri Jerusalém anushũ ikũwaĩbũ hatu nĩkatã Barnabẽ hau hatu merabewatanũ yunuabu

Hechos 11:27

Ha haskaibutiã Deusũ hãtxa yuishunika betsabu Jerusalémkiria Antioquia anu bushũ

Hechos 15:1

habiatiãri habũ Jesus ikũwaĩ judeubu betsa Moisés yusĩa txibãkĩ abuhairamisbu Judéia anua Antioquia anu buxĩshũ Jesus ikũwaĩbu habũri hatu yusĩkĩ: “Judeubumã tsuabũra mã nukubetã Jesus ikũwaĩburã, Moisés nuku yununi beya habũ hina kubitxi biabumarã, Deusũ hatu meketirumaki”, iki hatukiri hãtxaibũ

Hechos 15:5

hatu haska yuiaibũ judeu shuku betsa fariseubũ Moisés hãtxa txibãhairabiamisbũ ma hatiribũ Jesus ikũwãkĩ txibaĩbu betsa benikawã hatu yuikĩ: —Mã haskakiri hatu yuiairã, nawabu Jesus mã hatu ikũwãmaiburã, haska Deusũ Abraão yununi keska hau hatũ hina kubitxi binũbũ hatu yunukãwẽ. Ha inũ, Moisés nukũ shenipabu yununi beya hau txibãrianũbũ hatu yunuriakubaĩkãwẽ— hatu wa

2 Coríntios 11:5

Haska inũ, eã ẽ xinãnã, habu txipu kabiashũ hãtxa hawẽruawẽ matu yusĩkĩ ea binũkatsis ikaiburã, hawa ea binutirubumahairaki.

2 Coríntios 12:11

Haska tatimai ẽ keaĩ ẽ hawaumaki. Hakia mã ea kẽwãma danaĩbuwẽ taea ibubis kẽkĩ ẽ matu haska yuiaii. Ha unãnepabu parananãkĩ bemakis matu uĩmakĩ haska ekiri hawauma matu yuimisburã, hatũ hawawẽ ea binutirubumaki.

2 Coríntios 5:16

Haska inũ, nukunã, haska ikũwãbumã xinaĩ hãtxamisbu keska nũ ana hatũ xinã keskamaki. Ha dukũ Cristokiri xinãkĩ: “Yura kayabi bestiki”, iwanã, nũ xinãbiaya Deusũ nuku ma betsa wakẽ betsahaira Cristokiri nũ ma xinaiĩ.

Gálatas 1:18

Ẽ Jesus Cristo ikũwãkĩ taewabainima harishũ ano dabe inun besti nitxĩtã Damasco anu txĩtũkirã Pedro uĩnũ ika Jerusalém anu ẽ ka 15 shaba besti haki bakĩ daewakĩ unãti wai ẽ habe hiweyuniki.

Gálatas 2:14

Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?

Gálatas 2:7

Haskawẽ taea ha beya dabekiri nũ unãtinãnibuki. Haska Jesuskiri kakape nũ hatu pe yusĩnũbũ Deusũ nuku yununiki, ea nitxĩkĩ yunukinã. Judeubuma anu kashũ Jesus mekenãkiri ẽ hatu tapĩmanũ bebũkiri ea unãmaniki. Habiaskari wakĩ Jesusũ Pedrori judeubu anu yunukĩ nitxĩrianiki, hau hakiriri hatu unãmakubainunã, hawẽ mekeakirirã. Nũ haska dayamis nuku nĩkakĩ nukũ shanẽ ibubũ nuku unãnibuki.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

1 Timóteo 5:20

Hanushũ txakabu wakubainaibu pewanũ itã Deuski hatu datemakĩ dasibiburi hau daterianũbũ itxashũ nĩkaibũ pewakĩ hatu mesewakĩ shabakabi nemakubaĩwẽ.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.