Filipenses 4:7 - Kaxinawá Bíblia (BR)

⁷ Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

Kashinawa : Diosun Jesúswen taexun yuba bena yiniki

⁷ Man jaska waibu Diosun unanuma matu jiwemakin jaska tsuan shinankin ninkatidumawen Diosun jawen unanumawen matun juinti inun matun shinan mekekubainxanikiki, Jesucristo ninkakin man chibainwen taexunan.

Filipenses 4:7 Referencias Cruzadas

Provérbios 2:11

Hawara bika hawaira tapĩtã hakimama mĩ bebũkiri pe shinãkubainaya tsuã mia parãtiruma ishanikiki.

Provérbios 4:6

Unanepa kayabi tapĩkĩ betxipaikĩ heneyamawe. Mĩ haska waya hatũ mia mekeshũ unãmakubaĩshanikiki.

Provérbios 6:22

Hatunã, hanira mĩ kai mia mekeshũ iyukĩ hanu mĩ ushai anu mia mekea inũ, usha mĩ besteãyã ana mibe hãtxai keskakĩ mia shinãmakubaĩtiruki.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Números 6:26

Senhor Deusũ mã hawẽ haibu txakabuma keska matu betxipaikĩ hau uĩ pewakĩ matu unanuma hiwemakubaĩshanũwẽ’,

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 8:6

Haska inũ, hawara txakabũ nuku amakatsis ikai nukũ huĩti babukĩ tsuabũra ha besti txibãkubaĩmisburã, hawẽ mawatã Deusbe hiweama ishãkanikiki. Hakia tsuabũra Deusũ Yushĩ Pepatũ bai txibaĩ unãnumati hawẽ nũ hiwenũ ikai ha besti xinaĩbu nuku duawakĩ hawama unãnuma nukũ hiwea nuku inãkubainikiki.

2 Coríntios 10:5

Haska inũ, haska Deus danaĩ unãnepabũ xinãmis hawauma wakĩ Deus nũ hatu unãmakatsis ikaii, hatũ txakabu beshteketã xinã betsatã hau Cristo txibanũbunã.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Efésios 3:19

Haska hawẽ nui mã unaĩnã, pesheixta besti hawẽ nui unãkĩ haska hawẽ nui betsa betsapa meshti akĩ mã hawa tanatirubumaki. Deusũ hawẽ kuxipa pepa haska tsuã bikĩ nũ keyutirubumakiri mã unãnũbũ ẽ matu yukashũriamiski.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Filipenses 1:2

Nukũ Epa Deus inũ nukũ Shanẽ Ibu Jesus Cristõ hau matu unãnuma hiwemakĩ pewakĩ matu duawapakekubainũbũwẽ.

Filipenses 4:19

Mã ea merabewakĩ ea hawa yupawaismakenã, ẽ Epa Deus pepahairatũ matu manakukĩ matũ hamapai tibi matu inãkubainikiki, hawẽ bake Jesus Cristowẽ taeshũ matu duahairawakinã.

Filipenses 4:21

Ea ẽ Paulonã, ẽ matukiri pe xinãkĩ mã ma dasibi Jesus Cristõ enabu meribikẽ ẽ hãtxa ẽ matu bumaii. Nukubetã Jesus ikũwaĩbu ebe hiweabũri matukiri xinãkĩ hatũ hãtxa pepa matu bumariakanikiki.

Filipenses 4:9

Ẽ hãtxa nĩkakĩ ea uĩkĩ hawara mã tapĩni inũ ẽ matu yusĩkubainima heneama txibãkubaĩkãwẽ, mã haskaibu nukũ Epa Deus unãnumatũ matu heneama merabewapakeshanikikirã.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 2:17

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, pewẽ kupikĩ misi naiuria Deusũ hunemis ẽ hatu pimashanaii, nai anu unãnuma ebe hatu hiwemakinã. Ha inũ, kena bena nẽkati hushupaki hatũ kena nea ẽ hatu inãriashanaii. Ha habũ biaibũ besti ha kena unãshãkanikiki, tsua betsã unãtirumarã’”, ea washu ẽ matu keneshunaii.