Filipenses 4:6 - Kaxinawá Bíblia (BR)

⁶ Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

Kashinawa : Diosun Jesúswen taexun yuba bena yiniki

⁶ Jaska inun, ana jamapaiwen dabanan iyamakanwen. Jakia Diosbe janchakin yukai inun kenwainan, min jamapai jakidi xabakabi yui chanikubainkanwen. Januxun Diosun matu ninkaxun axunken jawen duapa kenwankubainkanwen.

Filipenses 4:6 Referencias Cruzadas

Salmos 51:15

Senhor Deusuũ, ẽ hui ea bepẽwẽ. Mĩ ea haska waya kãtakĩ ẽ mia kẽwãkubaĩshanaii.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 16:3

Hamẽ haska akatsi ikĩ bebũkiri haki txiti ikĩ Senhor Deus mĩ yuishina mĩ yubaka pekẽ hawara pepa Senhor Deusũ mia amakubaĩshanikiki.

Daniel 3:16

Sadraque inũ, Mesaque inũ, Abede-Negõ kemakĩ yuikĩ: —Ha dami kẽwãtikiri nũ mibe haska hãtxa hayamaki.

Daniel 6:10

hawẽ yunuti hãtxa bena hawẽ kena kenekĩ Dariõ ma mestẽwãshina Daniel nĩkatã hawẽ hiwe anu kai hikishũ hanu ushamis dĩtu anu Jerusalémkiri uiã shui bepẽ keyutã shaba tibi dabe inũ bestiki Deusbe haskakũkaĩmis keskai hãtxanũ ika dãti ishũ hawẽ huiwẽ kẽwãkĩ Deusũ merabewati yukakĩ taewaya

Mateus 10:19

Hakia atxishũ shanẽ ibu kuxipabu anu matu iyuabu hawara mã yuitirukiri Deusũ Yushĩ Pepatũ matu unãmashanikiki. Haskakẽ hawa dateama harakiri yuishãpa? ikĩ bebũkiri xinãyamakubaĩshãkãwẽ,

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Mateus 6:34

Haskakẽ mexukiri mĩ hawara washanaiwẽ dabanã iki dateyamakubaĩshãkãwẽ. Hakia shaba tibi hawãra mia itimaska wai tashnikũkaĩmis xinãkãwẽ— iwanã,

Mateus 6:8

Hawa mã hayama mã yukakatsis ikai mã yukariama matũ Epa Deusũ unaĩwẽ taeshũ has xinãkĩ hawẽtxaĩs yukayamashãkãwẽ.

Lucas 10:41

Jesusũ Marta nemakĩ yuikĩ: —Martaã, Martaã, dayakĩ piti nuku bawashũkĩ mĩ hiwe nuku pewashuni pebiai mĩ huĩti ma sinaki.

Lucas 12:22

hanushũ Jesusũ hawẽ tsumabu besti ana yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti mã itirubumaki. Yura hayairã, tari sawe bestinũ ika mã itirubumariki. Haskakẽ ha dabewẽ taea mã hiwenũ Deusũ matu hiwea inãma iniki.

Lucas 12:29

Haskakẽ yura dasibibu mai hirabi anuabu piti inũ tariwẽ kemukĩ benakubaũmisbuki. Hakia maturã, mã betsaki. Matũ Epã matu unaĩwẽ taea ha piti inũ tari mã bikatsis imisrã, ana has xinaĩ hawẽ dabanã iyamakubaĩshãkãwẽ.

Lucas 18:1

hanushũ hawẽ tsumabũ Deus kuxipa yukai hau punu nukayamashanũbũ miyuiwẽ Jesusũ hatu yusĩkĩ

Lucas 18:7

hamẽ Deusũ nuku merabewakĩ habũ matu txakabuwakatsi ikaibu nemairã, hawẽ xinã betsahairaki. Hawẽ katuabu Deusũ matu merabewakĩ bariri inũ mexu merã mã ea atã manaibu nĩkatã manama hawaira hatu nemakĩ matu pewashũmiski. Haskawẽ taea ea matũ Hutxi Kayabi Iuwa ẽ ana huaitiã habũ ea ikũwãkĩ henekubainabuma ẽ hatu betxituxishanimẽkaĩ?— iwanã,

1 Coríntios 7:21

Ha inũ, Deusũ matu katuriama hunĩ matu escravo dayaru wakẽ hawẽ bika teneyamawe. Hakia mĩ tsumapã mia ana bikatsi ikama kasmai ibubis peiwẽ mĩ paka mia nitxiãyã benimari kaĩshãwẽ.

1 Coríntios 7:32

Haskawẽ taea mã ana bika tenei itimaskayamanũbũ ẽ matu yuiai nĩkakãwẽ. Tsuabura aĩumabũ hawẽ Shanẽ Ibu Jesus dayashũkĩ ha besti txibãkĩ benimawatiruki.

2 Coríntios 1:11

Nũ haskamiskẽ nukukiri xinãkĩ merabewakĩ Deusbe hãtxakĩ nuku yukashũkubaĩkãwẽ. Itxapabũ mã nukukiri Deus yukakubainaibũ Deusũ nuku mekekĩ duawaya itxapabũri nukukiri nĩkakĩ Deus kẽhairawatiruburiki.

Efésios 5:20

Hawara mã haya inũ hawara mã hayama Epa Deusũ dasibi nuku inãmis xinãkĩ yuikĩ: “Haska hamapai xarabu mĩ ea inaĩwẽ taeshũ ẽ mia kẽwaiĩ”, akubaĩkãwẽ, nukũ Shanẽ Ibu Jesus Cristõ kena kuxipawẽ yuikinã.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

1 Timóteo 2:1

Eska dukũkiri hatu yusĩkubaĩwẽ. Yurabu betsa betsapabu Deusũ hau hatu merabewakubainũ Deusbe hãtxakĩ hatu yukashũkĩ betsabukiri hatu ea ashũkĩ hãtxakĩ hatukiri Deus kẽwãkubaĩkãwẽ.

1 Timóteo 5:5

Aĩbu ewa beneyabianibũ Jesus Cristo ikũwaĩ hawenabu hayama Deusũ hau hatu merabewanũ haska manakakĩ bariri inũ mexu merã Deus kẽwãkĩ habe hãtxakĩ hawẽ piti inũ hawẽ mabukiri yukamisbuki.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

1 Pedro 5:7

Ha inũ, hawara tibiwẽ mã bika tenei teai niti imis tibi Deus inãkubaĩkãwẽ, hatũ matukiri xinaĩkikirã.

1 Samuel 1:15

Anã kemakĩ yuikĩ: —Ẽ shanẽ ibuũ, ẽ haskamaki. Vinho inũ nushuti betsa paepa ẽ akamaki. Hakia ẽ nuihairai inũ ẽ shinãhairai ẽ hawẽ mawakatsis ikĩ dasibi Senhor Deus bebũshũ ẽ yuikĩ keyui ikaii.

1 Samuel 7:12

mishki kerã ewapa katutã unuri Mispa inũ unuri Sem namakis bushũ hakimatima shinãmati wakĩ hatu nitxĩmashũ yuikĩ: “Natiã Senhor Deusũ nuku merabewakĩ heneama nũ unaĩwẽ taea hawẽ kena Ebenézerki”, Samuelĩ hatu wanikiaki.