Ezequiel 18:7 - Kaxinawá Bíblia (BR)

⁷ ha dikabi, hawa tsua itxakawaisma inũ, hunĩ diria ma pakakẽ hawẽ mabu biaĩma huni pepabũ hawẽ mabu hatu ana inãmisbuki. Hawa betsa taska hatu yumetsuamarã, hanushũ nuitapai buniaibu hawẽ piti hatu pimamisbuki. Ha inũ, huni betsa tariuma uĩkĩ hatũ tari betsa hatu inãmisbuki.

Ezequiel 18:7 Referencias Cruzadas

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 3:31

Hunibu txakabu Senhor Deusũ danãkĩ huni pepabu betxipaikĩ habu besti haibuwamiswẽ taeshũ ha hunibu txakabu hawara haya uĩ hawẽ kemui ha keska miari hayakatsis ikĩ shinãma hawẽ shinã keska txibãyamashãwẽ.

Isaías 1:17

Pepa besti atikiri tapĩrikãwẽ! Tsua ana parãtima menã pepati hawaira benakãwẽ! Hatu itxakawaibu hatu merabewakãwẽ! Yunuti hãtxawẽ taeshũ bake ibuuma hatu itxakawama hatu merabewa bestikubaĩkãwẽ! Beneyabiani ana beneumabu hawẽ hiweawẽ bika teneai merabewai hãtxashũkubaĩkãwẽ!” itã

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Isaías 5:7

Na uva baikiri miyuirã, Senhor Deus dasibi kushipahairatũ habu betxipaikĩ uva bai banayama keskarã, Israel hiweabu hatũ mai pakea inũ Judá enabũ mai pakeaki. Hanushũ hawẽ yunuti inũ hawẽ nematiki mesekĩ hau txibãkubaĩshanũbũ Senhor Deusũ hatu manabiaya habu anurã, sinatai inũ detenameaibu besti hayaki. Ha inũ, hawẽ yunuti kushipa pepa katuaibu hatu manabia haska hiweama hatu nuitapawaibu isĩ tenei biski ikaibu ẽ nĩka bestikubainaii.

Ezequiel 18:12

nuitapaibu inũ hawa hayabuma itxakawakĩ merabewaisma inũ, yura betsa betsapabũ hatũ hawara yumetsumis inũ, huni betsã diria ma pakabiakẽ hawẽ mabu biaĩma ha yaushikĩ ana inaĩsma inũ, mekenika yushibu txani duawakĩ kẽwãmis inũ, hawara betsa betsapa ẽ betxipaiama akubaĩmis inũ,

Ezequiel 18:16

tsua itxakawaisma inũ, pei biãyuaya hau pakashũ bishanũ, iwanã, hawẽ mabu betsa biaĩsma inũ, hawara tibi hatu yumetsuismarã, hakia hawẽ piti pashkatã hawa hayama buniaibu hatu inãmis inũ, tariuma nuitapaibu hawẽ tari betsa hatu inãmis inũ,

Ezequiel 18:18

Ha inũ, betsarã, hatũ epã hawenabu itxakawakĩ hatu yumetsukĩ kanekĩ txakabu betsa betsapa wakubainaya hawẽ txakabuwẽ taeshũ kupikĩ hau tenãshanũbũwẽ.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Amós 2:6

hanushũ Senhor Deusũ hawenabu Israelkiriri yuikĩ: “Israelĩ enabu nortekiri hiweabũ txakabu betsa betsapa akubainaibuwẽ taeshũ hatu kupikĩ ẽ heneama iriashanaii, habũ hatu eska wakubainaibuwẽ taeshunã. Israelbũ hawenabu pe hiwebiabũ peiwẽ taeshũ hatu inãkĩ nuitapawamisbuki. Ha inũ, betsa nuitapai hiwebiakẽ hatuwẽ taeshũ hatũ bitxi tae bimisbuki, dayaru escravo hau hatu iyutanũbunã.

Amós 2:8

Tsuãra matu diria hawẽ tari biãyuimashũ ha tari bekãtã haki dakashũ yushibubu dami kẽwãti piti mãtxĩtã hatubetã mã pimiski. Ha dikabi tsuã hawa txakabuwakĩ kaneamabiakẽ parãkĩ hamẽ itxakawakĩ hawẽ pei pakamatã ha peiwẽ uva vinho bishũ hatũ mekenika yushĩ kẽwãti hiwe anushũ hatubetã ha vinho mã akubaĩmisbuki.

Amós 3:10

Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Amós 6:3

Senhor Deusũ hanu matu kupiai shaba txakabu hubiashanaya haskakiri mã shinãkatsi ikamaki. Haskai hiwetimabiakẽ txakabu matũ shanẽ ibu keska wakĩ mã txakabu mese besti pa waii.

Miquéias 2:1

Namawẽ dikabi txakabu yubakakubainaiburã, peirashãkãwã! Matũ kushipawẽ mã atirubuwẽ taea ha shaba mã akaitiã bestẽtã mã hatu txakabuwakubaĩmisbuki.

Miquéias 3:2

Hakia haska shinãma pepa danãkĩ txakabu mã betxipaikubaĩmiski. Enabũ bitxi dashpeshũ hawẽ nami besti bikĩ keyushũ hawẽ shau henebaina keska mã hatu txakabuwakubaĩmiski.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Lucas 3:11

Joãonẽ hatu yuikĩ: —Deus daewakinã, mĩ tari dabeyarã, ha nuitapai tariuma mã betsa inãtiruki. Ha inũ, mĩ pitiyarã, yura betsa piti hayama mã betsa inãtiruki— iwanã, hatu yuikubainaya