Ezequiel 18:6 - Kaxinawá Bíblia (BR)

⁶ Hawenabũ beya mati meribi anushũ yushibu dami kẽwaĩbu anushũ hatubetã pi txakabukũkaĩsma inũ, kanekĩ Israelĩ enabũ mekenika yushibu txani duawai haki txiti isma inũ, hatu dapi hiweabu hatũ aĩ hawa hatu meĩsma inũ, hawẽ aĩ himi ikai txutaisbumarã,

Ezequiel 18:6 Referencias Cruzadas

Êxodo 34:15

Ha dikabi ha mai pakea anu hiweabube yubakayamashãkãwẽ. Habũ ea danãkĩ hamapai sharabu yushĩ kẽwãkĩ hatũ txi tapu anushũ hatũ yushibu kẽwãti piti pewatã matu pimakatsi kenabu hatubetã pikĩ mã ea hakimatirubuki.

Provérbios 6:29

Habiaskariai huni betsã aĩ beneyabiakẽ habe txutanamemisrã, txanima hawẽ kupiti bishanikiki, txi dekẽ ikua keskairã.

Ezequiel 18:15

Mati meribi tibi anushũ yushibu dami kẽwãtã pimisbube itxaisma inũ, kanekĩ Israelĩ enabũ mekenika yushibu txani duawai haki txiti isma inũ, ha dapi hiweabũ aĩ hawa meisma inũ,

Ezequiel 18:5

Hamẽ huni pepabu ikirã, eskamisbuki. Parananaĩsma inũ txanitxakaisma ikubaĩmisbuki.

Mateus 5:28

Hawẽ hãtxa ikũki. Ana habiasri matu yusĩnũ nĩkakãwẽ. Tsuãra aĩbu kawanai uĩ hawẽ kemukĩ txutakatsis ikĩ xinaĩnã, ma txuta keskaki.

1 Coríntios 10:20

Eskaki. Matu yuinũ nĩkakãwẽ. Deus ikũwãbumã yushĩ dami betsa hawẽ kẽwãti piti yushĩ txakabu inãkĩ Epa Deus inãbumaki. Haskawẽ taeshũ yushĩ txakabu kẽwaĩbubetã hawẽ kẽwãti piti piama hatubetã kẽwãriayamakãwẽ.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.