Êxodo 9:7 - Kaxinawá Bíblia (BR)

⁷ haska uĩtã Israelĩ enabu hiwebaunabu anu hawẽ tsumabũ hau uĩbaũtanũbũ Faraónẽ hatu yunua Israelĩ inabu uĩ bushũ hatũ inabu hawa betsataska mawamakẽ uĩkubaũtãshũ txĩtũbirã haska Faraó yuiabu sinatai huĩti kushitã Faraónẽ ana hatu bashikĩ niti akaya

Êxodo 9:7 Referencias Cruzadas

Êxodo 3:19

Mĩ haska ekiri yuibia Egito shanẽ ibũ matu nĩkatã matu nitxiãma ishanikiki. Hakia ẽ kushipawẽ nĩkamas ẽ matu mebikinãshanaii.

Êxodo 7:13

haska Faraó ashũbiabu uĩbiatã hawa dateama huĩti kushitã haska Senhor Deusũ yuishina keska Moisés inũ Arão Faraóne hatu nĩkatã hawenabu heneshunama inikiaki.

Êxodo 7:14

Hanushũ txipu Senhor Deusũ Moisés yuikĩ: —Minabu bupanãbũ Faraó huĩti kushitxakayamatã hatu bashikiki.

Êxodo 8:32

Faraónẽ uĩ ana hawẽ huĩti kushitã Israelĩ enabu kẽwaĩ bupanãbũ ana nemakĩ hatu bashinikiaki.

Êxodo 9:12

Senhor Deusũ Faraó hawẽ huĩti kushi waya Faraó sinashũ hawẽ huĩti kushiwẽ taeshũ Moisés inũ Arãonẽ hãtxa hatu nĩkamahaira haska Senhor Deusũ Moisés yuishina keskaya

Êxodo 9:8

hanua Senhor Deusũ Moisés inũ Arão ana yuikĩ: —Txi ketĩmisbu anua mapu mespushũ butãkãwẽ. Bukĩ Faraóki nukutã ha bebũshũ Moisĩ, miã besti ha mapu manaũri putakĩ sa sa ashãwẽ.

Daniel 5:20

Hakia ibubis keĩ: “Ea besti pe shanẽ ibui ẽ kushipahairakũkainaii”, iki huĩti kushitã keaĩwẽ taeshũ hawẽ shanẽ ibũ kushipa inũ hawẽ pepa dasibi Deusũ mebiã

Romanos 9:18

kenenirã, yura betsabu Faraó ani keska wakĩ habu ha keskabuwẽ nuiama Deusũ hatu besu kuxi wakĩ huĩti nĩkaisma wakatsis ikĩ hatu haska wamiski. Hanua haraturawẽ Deus nuikatsis iki hatuwẽ nuimiski, abukinã.