Êxodo 9:24 - Kaxinawá Bíblia (BR)

²⁴ Egito nawabu shanẽ ibui taeaitiã barush ui mirima ha keska uiãma ikubiranibu inũ ana ikama ipakeshanai kana bakakĩ inũ barush ui mirima kushipahaira niri akĩ

Êxodo 9:24 Referencias Cruzadas

Êxodo 10:6

Shini tatashki iki hikibaĩ mĩ hiwe hawẽrua betsa betsapa anu inũ mĩ merabewanika shanẽ ibubũ hiwe inũ minabũ hiwe tibi anuri hiki matashãkanikiki. Nenu hiwei taenibu anua shini beshanai keska mĩ epabu inũ mĩ hutxibũ haska uiãma ikubiranibu na mã hiweatiã haska tashnishanikiki— akĩ Moisĩ yuibia Faraónẽ ana nĩkamahairakẽ hãtxa watã dabekebaini Moisés inũ Arão kaĩbainaibũ

Êxodo 9:18

Haskakenã, eskatiã ea nĩkawe. Meshukiri na habiatiãri barush ui mirima kushipahaira ẽ niri ashanaii, haska mĩ shenipabu Egito anushũ bai taenitiã barush ui haska ikũkiranama wakinã.

Êxodo 9:23

naiuri hawẽ mekẽ Moisĩ sanãyã kanatũ itxakayamai barush ui husia yunukĩ Senhor Deusũ barush ui mirimahaira maĩ niri imaya

Êxodo 9:25

Egito mai hirabi anushũ yurabu inũ inabu ha bitxiabuma inũ bai anu mibã sharabu detekĩ tenã keyukĩ hi tibi hawẽ pũyã tekekĩ keyuaya

Ezequiel 1:4

Ea meaya nortekiria niwewã kushipahaira meshu mayakabirani beai ẽ uiãyã nai kuĩ anua kana bakai keskai txi tashnibirani puabaunaya txashahaira baka baka ikai merã mane txasha txasha ikai keska