Êxodo 8:6 - Kaxinawá Bíblia (BR)

⁶ Senhor Deusũ hãtxa Moisĩ Arão ma yuikẽ hatũ hene dasibi bemaki hawẽ mestẽti Arãonẽ tsumashũ sanãbaunaya hene dasibi anua heu mirimahaira kaĩbirani bekĩ Egito nawabu hiwebaunabu anu matai keyuaibũ

Êxodo 8:6 Referencias Cruzadas

2 Samuel 7:22

Haska nuku dasibibũ nũ nĩkamis inũ nũ uĩmisrã, hawa mekenika Deus betsa mia binua betsa hayamaki, mia keskarã. Haskawẽ taea ẽ mekenika Senhor Deusuũ, miarã, mĩ pepahairaki, tsuã haska watiruma mĩ nuku ashũmisrã.

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 7:19

hawẽ betsã haska washanai Moisés besti Senhor Deusũ yuikĩ: —Arãonã, eska wamashãwẽ. Hawẽ mestẽti bitã Egito mai pakea hirabi hene anu hau himi daminũbũ hawẽ mestẽti tsumatã hene dasibi bemaki sanãbaũwẽ. Hatũ henewã inũ, hatũ iã dasibi inũ, hene beshuru ikai anu inũ, ũpash hanua biti mai pukĩkĩ kini wanibu inũ, hatũ ũpash haki manemisbu dasibi anu inũ, hanira Egito nawabu hiwebaunabu anu himi wamashãwẽ, hatũ hi kẽtxa inũ hatũ mishki shumu anurirã, akĩ Arão amashãwẽ— aka

Êxodo 9:14

Mĩ ana hatu bashiaya na habiatiãri dasibi hawẽ kupiti mia anu inũ, mĩ merabewanika shanẽ ibubu anu inũ, minabu dasibi anu ẽ yunuaiwẽ taeshũ mai hirabi anu yushĩ kushipahaira tsua ea keska betsa hayama mĩ unãshanaii.

Êxodo 9:29

Moisĩ yuikĩ: —Senhor Deus shanẽ ibui mai hirabi hawenasrã, mĩ unanũ mĩ mae ewapa anua kaĩkaini kashũ Senhor Deus naiuria ẽ mekẽ sanãshũ ẽ mia yukashunaya kana tĩ ikaĩkaini nesei barush ui maĩ ana niri ikamaki.

Isaías 43:10

Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.

Deuteronômio 4:35

Matũ mekenika yushĩ pepa txanima kayabi Senhor Deuski. Tsuã Deus binua ha keska betsa hayama matu unãmaniki, haska matu shinãmakinã.

Apocalipse 16:13

hanushũ yuinaka mese atimapa hashpa anua inũ, yuxibu sheanã hashpa anua inũ, huni betsã parã hãtxa yusĩmis hashpa anua habu tibi anua yushĩ txakabu heu keska kaĩaĩ ẽ uĩshuki.