Êxodo 8:26 - Kaxinawá Bíblia (BR)

²⁶ Moisĩ kemakĩ yuikĩ: —Hanubishũ nũ haska wairã, pemaki. Nukũ inabu tesẽshũ menukĩ keyukĩ nukũ mekenika Senhor Deus nũ kẽwãyã minabũ ha inabu kẽwãkĩ meribi wamisbũ haska betxipaiama nuku uĩ nukuki sinatahairakĩ mishki inũ mãkã tũkuwẽ nuku tsaka tsaka akĩ tenãtirubuki.

Êxodo 8:26 Referencias Cruzadas

Gênesis 43:32

José hatubetã pinũ ika hamesti hawẽ tapu meribi ma pewashuna inũ, hawẽ betsabuna tapu betsa haki tsauaibu ma hatu pewashũria hanua Egito nawabu Josébetã pimisbu tapu betsari haya habũ beyawẽ taeshũ habias tapukishũs Egito nawabu Hebreu nawabubetã pisbuma tapu meribi tibi serekĩ pashkakẽ

Gênesis 46:34

unanumas yuiyamashãkãwẽ: “Nukurã, nũ txashuwã mekenikabuki, nukũ shenipabu keskarã”, mã wa matu nĩkatã ha mae Gósen anu matu hiwemashanikiki, Egito nawabu txashuwã mekenikabube mã husitã hiwetirubumawẽ taearã— hatu watã

2 Reis 23:13

Sidom nawabũ mekenika yushibu deus kayabima Astarote aĩbu dami kẽwãti hiwe inũ, Moabe nawabũ mekenika yushibu deus kayabima Quemos dami kẽwãti hiwe inũ, Amom nawabũ mekenika yushibu deus kayabima Milcom dami kẽwãti hiwe Judá enabũ habũ danãhairabiaibũ Jerusalém bari huaikiri Mati Masite sulkiri matxi buteauri anushũ hau hatu amanũbũ Israelĩ enabu shanẽ ibuhaira Salomãonẽ dayakapabu hatu yunua akea akenibu ha kẽwãti hiwe tibi hau yamawanũbũ Josiasĩ hatu yunua dera dera akĩ keyunibukiaki.

Êxodo 3:18

Mĩ hatu haska wa mia nĩka pewashãkanikiki. Haskakẽ Egito shanẽ ibu bena anu hatubetã uĩ kashũ shanẽ ibu yuikĩ: “Hebreubu mekenika Senhor Deus tashnikirã nukuki ma nukushinaki. Haskakẽ nuku heneyuwe, shaba dabe inũ besti ushakaĩ nukũ mekenika Senhor Deus kẽwãkĩ txashuwã itxapa tesẽshũ kuakĩ nũ benimawayui kairã”, akĩ ha shanẽ ibu haska ekiri yuishũtãshãwẽ.

Êxodo 8:8

haska wabu heu mirimahairatũ hatu bika tenemaibũ Moisés inũ Arão hatu yuima beabu Faraónẽ hatu yuikĩ: —Ea inũ enabu anua heũ nuku bika tenemai hau nuku nemashunũ matũ mekenika Senhor Deus ea yukashũkãwẽ. Senhor Deusũ ea haska washunaya minabũ matũ mekenika yushĩ kẽwaĩ buaibu ẽ ana hatu niti akamaki— aka

Isaías 44:19

Haska wabiakĩ hawa hawẽ shinãwẽ tapĩ pewama yuikĩ: “Ha hi sẽke namakis betsa tuash atã ẽ ketiã hi iki dekẽshũwẽ misi ẽ bawashuki. Ẽ nami shuishũ piriashuki. Hamẽ ha tuash betsa ẽ ha kuama bitã dami atimapa wakĩ kẽwãti yushĩ watã hi hamẽ ẽ kẽwaiĩ”, itirubuki.