Êxodo 8:19 - Kaxinawá Bíblia (BR)

¹⁹ hanua mukayabu bushũ hatũ shanẽ ibuhaira Faraónẽ yuikĩ: —Na shiu dami wakinã, hatũ Senhor Deus dasibi binuatũ besti hatu dami wamashuki— akabu haska nĩkabiatã ana hawẽ huĩti kushitã hatũ hãtxa Faraónẽ nĩkama haska Senhor Deusũ bebũkiri yuishina keskaya

Êxodo 8:19 Referencias Cruzadas

Salmos 8:3

Nai dami watã mĩ haki ushe inũ bishi dami wakĩ hanani uĩkĩ hakiri ẽ shinãmiski.

Êxodo 10:7

hawaira hawẽ merabewanika shanẽ ibubũ Faraó yuikĩ: —Ha hunĩ nuku nuitapawakĩ nuku itxakawakubainairã, hatiã nuku heneshanimẽkaĩ? Hau hatũ mekenika yushĩ Senhor Deus kẽwãtanũbũ hatu nitxĩriwe. Nukunabu mawai keyutirubuki. Nukũ inabu inũ nukũ mibã sharabu ma nuku yamawãkĩ ma keyuaburã, mĩ uiãmamẽ?— akabu

Êxodo 11:7

Hakia minabukiri inũ Israelĩ enabukiri Senhor Deusũ haskas shinãma mã unãshanũ Israelĩ enabu inũ hatũ inabu uĩ hau hatũ kamanẽ hau hau ayamanũbũ matũ kamã dasibi Senhor Deusũ hatu nemashanikiki.

Êxodo 7:13

haska Faraó ashũbiabu uĩbiatã hawa dateama huĩti kushitã haska Senhor Deusũ yuishina keska Moisés inũ Arão Faraóne hatu nĩkatã hawenabu heneshunama inikiaki.

Êxodo 7:4

Matũ hãtxa Faraónẽ nĩkama danãyã hanu ẽ kushipahaira ẽ hatu uĩmakĩ dasibibu unãmakĩ Egito nawabũ hatu itxakawakubaĩmisbu Israelĩ enabu shanẽ ibu tibi hawenabube nenua ẽ hatu iyushanaii.

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Êxodo 9:26

Egito anu hatu haska wakĩ Gósen mai anu hanu Israelĩ enabu hiwebaunabu anu hawa betsataska barush ui niri ikamakẽ

Êxodo 9:4

Hakia Israelĩ inabu inũ Egito nawabũ inabu betsahaira wakĩ ẽ mia uĩmashanaii. Israelĩ enabũ inabu hawa betsa ẽ tenãma ishanaii.

Daniel 2:19

habias meshu merã uĩmakĩ shanẽ ibũ nama inũ haska ishanai yuiti Deusũ Daniel unãmakĩ keyukẽ haskawẽ taeshũ nai anua Deus kẽwãkĩ

Mateus 12:28

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus shanẽ ibui matu anu ma huaki.

Lucas 11:20

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus matuki bai ma huaki.

João 11:47

hanua Deusbe nukunabu hãtxashunika shanẽ ibubu inũ fariseubu Sinédrio kena hatube itxatã Jesuski datei yuinamei: —Ha huninã, hatu unãti wamakĩ dami tsuã haska watiruma itxapa waikiki. Nũ haska watirumẽ?

Hechos 4:16

yuikĩ: —Na Jerusalém anu hiweabũ dami atimaska wakĩ shushawaxinabu dasibibũ unãkanikiki. Nũ hatu haska wai, na huni daberã? “Habũ akamaki”, ikĩ nũ hatu parãmatirumaki.

1 Samuel 6:3

habũ hatu kemakĩ yuikĩ: —Deusũ hãtxa aruni bau mã ana hatu inãkatsi ikai haska besti hatu bumayamakãwẽ. Senhor Deus daewakĩ inãkuĩti pepa bumashũkãwẽ. Mã haska wa mã shushashanaii. Senhor Deusũ matu kupikĩ heneai mã unãshanaii, ana matu kupiamarã— hatu wabu

1 Samuel 6:9

Israelĩ enabu mae Bete-Semeskiri hawa hikikaunama kai peairã, Deusũ hatũ nuku bika tenemai nũ unãshanaii. Hakia haskama hamakiri ha ina awa hikibainaiburã, hawãra nuku isĩ tenemakĩ kupiai nũ unãtirubuki— hatu wabu