Êxodo 7:14 - Kaxinawá Bíblia (BR)

¹⁴ Hanushũ txipu Senhor Deusũ Moisés yuikĩ: —Minabu bupanãbũ Faraó huĩti kushitxakayamatã hatu bashikiki.

Êxodo 7:14 Referencias Cruzadas

Êxodo 10:1

Txipu Senhor Deusũ Moisés ana yuikĩ: —Hamebi hiwemis ẽ ea Senhor Deusrã, mã ekiri shinãkubaĩshanũbũ hawẽ hatu datekĩ e imati dami betsa betsapa ẽ kushipawẽ hatũ mai pakeanushũ Egito nawabu ẽ hatu mesewani matũ bakebu inũ matunabu pahairakubainaibu uinishũ mã hatu yuipakekubaĩshanũbũ na hawẽ hatu datekĩ dami betsa betsapa wakĩ Faraónẽ huĩti kushi wakĩ hawẽ merabewanika shanẽ ibubu ẽ hatu huĩti kushi wariashinaki. Haskawẽ taea ana Faraó anu bushũ eska ea yuishũtãwẽ— aka

Êxodo 10:20

Senhor Deusũ Faraó huĩti kushi wakẽ Israelĩ enabũ kẽwaĩ bupanãbũ Faraónẽ hatu ana bashiaya

Êxodo 10:27

ana hanushũ Senhor Deusũ Faraó huĩti kushi wa Israelĩ enabũ Senhor Deus kẽwaĩ bupanãbũ hatu nematã

Êxodo 10:4

Nĩkamas mĩ ana hatu nemaya meshukiri mĩ mai hirabi anu shini mirimahaira ẽ yunushanaii.

Êxodo 3:19

Mĩ haska ekiri yuibia Egito shanẽ ibũ matu nĩkatã matu nitxiãma ishanikiki. Hakia ẽ kushipawẽ nĩkamas ẽ matu mebikinãshanaii.

Êxodo 4:23

Israelbu bushũ hau ea kẽwãtanũbũ mĩ hatu nemashinaki. Mĩ hatu nemakubaĩmiswẽ taeshũ mĩ huni bake iyua mĩ betxipaihairarã, ẽ tenãshanaii— akĩ na habias hãtxa Faraónẽ mĩ betsa Arão ea yuimashũshãwẽ— aka

Êxodo 7:13

haska Faraó ashũbiabu uĩbiatã hawa dateama huĩti kushitã haska Senhor Deusũ yuishina keska Moisés inũ Arão Faraóne hatu nĩkatã hawenabu heneshunama inikiaki.

Êxodo 7:15

Haskakẽ meshukiri penamahaira Arãobe hene kesha anu kakĩ ha mestẽti dunu damishina tsuma kashũ hanu Faraó butuai anushũ manashãkãwẽ.

Êxodo 8:11

Mĩ hiwe hawẽrua ewapanua inũ, minabu anua meshukiri heu butubaĩ hene kesha besti hiweshãkanikiki, ana minabube mia bika tenemamarã— aka

Êxodo 8:15

hakia Senhor Deusũ heu yamawashuna ana hawẽ dateama hawẽ huĩti kushitã Moisés inũ Arãonẽ hãtxa Faraónẽ ana hatu nĩkama haska Senhor Deusũ Moisés yuishina keskakĩ Faraónẽ Israelĩ enabu ana hatu nemaniki.

Êxodo 8:2

Hakia nĩkamas mĩ ea hatu nemakãyã hawẽ taeshũ mia kupikĩ mĩ mai hirabi anu heu mirimawẽ mia inũ minabu ẽ hatu anu tashnimashanaii.

Êxodo 9:2

Hakia bashikĩ mĩ hatu nemakubainaya

Êxodo 9:34

ui inũ barush ui inũ tĩ ikaĩkaini neseai uĩtã Faraó inũ hawẽ merabewanika shanẽ ibubu dikabi hatube huĩti kushitã ana txakabu shinãkĩ

Êxodo 9:7

haska uĩtã Israelĩ enabu hiwebaunabu anu hawẽ tsumabũ hau uĩbaũtanũbũ Faraónẽ hatu yunua Israelĩ inabu uĩ bushũ hatũ inabu hawa betsataska mawamakẽ uĩkubaũtãshũ txĩtũbirã haska Faraó yuiabu sinatai huĩti kushitã Faraónẽ ana hatu bashikĩ niti akaya

Isaías 1:20

Hakia shinã betsakatsi ikama hẽ iyamai danananaĩ sinatai mã heneamarã, tsuã ana matu merabewama detenameaibu anua mã mawashanaii”, ikĩ ibubis Senhor Deusũ matu yuishuki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

1 Samuel 6:6

Israelĩ enabu Egito anua tashnibaĩpanãbũ Faraó inũ hawenabu huĩti kushikĩ hatu nemakubainaiwẽ taeshũ Israelĩ enabu mekenika Deusũ hatu kupihairaya atimas ana hatu nemama ini keskai matũ huĩti kushi wayamakãwẽ.