Êxodo 7:11 - Kaxinawá Bíblia (BR)

¹¹ Faraó dateama hawẽ unanepabu inũ hawẽ mukayabu hatu kena beshũ hatũ yushĩ kushipawẽ habiaskari hatuna akĩ

Êxodo 7:11 Referencias Cruzadas

Gênesis 41:8

penaya Faraó huĩti nishma punu nuka has shinãhairakĩ Egito anua hawẽ huni mukayabu dasibi inũ huni unanepabu dasibi hatu kena bea itxabu usha namakĩ uĩshinai Faraónẽ hatu yuia tsuã hawa unãma hawẽ nama shabakabi yuikĩ unãmatirubumahaira inibukiaki.

Êxodo 7:12

bestibu tibitũ hawẽ mestẽtiri putabu dami dunua maniabũ hakia Arãonẽ mestẽti dami dunuatũ hatũ mestẽti dami dunuabu ha Arãonenatũ hatu sheãkĩ keyuã

Êxodo 7:22

Hakia hatũ yushĩ kushipawẽ Egito nawa mukayabũ habiaskari wakĩ habũ ũpash dami wakĩ himi wariakẽ haska uĩbiatã Faraó huĩti kushitã haska Senhor Deusũ Arão inũ Moisĩ ma hatu yuishu keska ikaya

Êxodo 8:18

Egito nawa mukayabũri hatũ yushinẽ kushipawẽ habiaskari wanũ ishũ apaiabu ikamakẽ ha shiu damiatũ hatu pikĩ yurabu inũ inabu yumãwaĩbũ

Êxodo 8:3

Mĩ henewã anua hene kukatsa ikasi heu mirima kaĩ txube ibirã mĩ hiwe ewapa hawẽrua merã ishtxubaĩbaini hiki keyui mĩ dĩtu merã matai, mĩ ushati merã matai, inũ mĩ merabewanika shanẽ ibubũ hiwe merãri ishtxubaĩbaini matai inũ, minabũ hanushũ misi wamisbu anuri matai inũ, matũ misi wati hi kẽtxa merãri matai tsami keyubaũshãkanikiki.

Êxodo 8:7

hanushũ habiaskari wakĩ Egito nawa mukayabũ hatũ yushinẽ kushipawẽ heu hene meranua hau tashninũbũ dami wariakĩ Egito mai pakeanu heu pa wariaibũ

Daniel 2:2

haskawẽ taea hawẽ nama betsa betsapa hau hawẽ mukayabu inũ, haskashanai bishiwẽ unanikabu inũ, yushĩ yukanikabu inũ, unanepabũ hau hawẽ nama yui benũbũ hawẽ tsumabu yunua bushũ hatu ishũtanabu ha bebũ dasibi mapuabu

Daniel 2:27

Danielĩ kemakĩ yuikĩ: —Shanẽ ibuũ, hawara mĩ unãkatsis ikai unanepabu inũ, yushĩ yukamisbu inũ, mukayabu inũ, bebũkiri haskashanai bishiwẽ unanikabu tsuã haska mia yuitirubumahairaki.

Daniel 4:6

Hanua ẽ nama unãshũ hau haska hawẽ shinã ea yuinũbũ Babilônia anua unanepabũ dasibi hau ea yui benũbũ ẽ hatu yunua bushũ hatu ea iyushunabu

Daniel 5:11

Hanu mĩ yunu keyumis anu huni betsa Deus meribitũ yushinẽ unãmakubaĩmis mĩ huni hayaki. Mĩ hutxi hiwea shanẽ ibuaitiã yushibubu keska hawẽ shinã hawa hunema shabakabi inũ tapinika inũ unanepakĩ ha hunĩ hatu unãshũkubainiki. Haskawẽ taeshũ nukunabu mukayabu inũ, yushĩ yukamisbu inũ, unanepabu inũ, bishiwẽ unãmisbu hatu mekei hau shanẽ ibukũkaĩshanũ mĩ hutxi shanẽ ibuhaira Nabucodonosorĩ ha huni katuniki,

Daniel 5:7

bis bis ikĩ Babilônia anu yushĩ yukamisbu inũ, unanepabu inũ, bishiwẽ unãmisbu hatu kena beabu kene metukĩ hatu yuikĩ: —Ha kene tsuãra yuikĩ unãtã hariri hãtxa yuia mã ea tapĩmarã, shanẽ ibũ tari tashi hushinipa sawemashũ ouro mane teumatã shanẽ ibui ea katxu tsaumis anu ha dabe inũ besti shãtukũ yunui tsaumisbu anu ẽ tsaũshanaii— hatu wa

Gálatas 3:1

Galácia anua unaĩsmapa tatimabuũ, tsuã matu dauĩmẽkaĩ, parã paepa wakinã? Jesus Cristõ matu pepawanũ ika cruzkia matu mawashunikiri ẽ matu unãmakubaĩbiaya huni betsabũ hatũ yusĩa bena matu yusĩkĩ parãkubaĩkanikiki.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

2 Tesalonicenses 2:9

Ha huni txakabu hawẽ shanẽ ibu Satanásã kuxipa wakĩ merabewaya dami atimaska betsa betsapa wakĩ yurabu parãshanikiki.

2 Timóteo 3:8

Huni mukaya dabe Janes inũ Jambresĩ Moisés hãtxa beshtenũ ika inibu keskakĩ habu parananaĩbũ txanima hãtxari nemanũ ika ha hunibu hatũ xinã pema inũ ikũ kayabi wama hamakiri kanekanikiki.

2 Timóteo 3:9

Ha parananaĩbu unaĩsmapakĩ hãtxa kayabima hatu yusĩaĩbu dasibibũ unãtã itxapabu hatuki txiti ikama ishãkanikiki. Haska Moisés beshtenũ ika Janes inũ Jambres tatima ini keskai haburi haskashãkanikiki, beshtekeirã.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

1 Samuel 6:2

Filisteu nawabũ hatũ yushibubu kẽwanikabu inũ bebũkiri habũ haskashanai unananikabu hatu itxawashũ hatu yukakĩ: —Senhor Deusũ hãtxa aruni baurã, nũ haska watirumẽkaĩ, nuku yuikãwẽ. Nũ haska watã hatũ mae anu ana hatu inãtirumẽkaĩnã— hatu wabu