Êxodo 6:6 - Kaxinawá Bíblia (BR)

^6-8 Haskakẽ minabu ea hatu yuishũwẽ: “Earã, emebi ẽ hiwea ẽ kenarã, Senhor Deuski. Egito nawabũ minabu dayamakĩ hau hatu ana tsumawayamashanũbũ hatu meshpamatã hatũ mai pakeanua mĩ habu pashawashanaii. Ẽ kushipa shabakabi dasibibu hatu uĩmakĩ Egito nawabu kupitã ẽ matu iyushanaii. Haska watã enabus ẽ matu washanaii. Matũ mekenika Senhor Deus ẽ ikũkaĩshanaii. Egito nawabũ matu dayama txakayamakĩ matu bika tenemaibu matũ mekenika Senhor Deusũ ẽ matu iyuni matu inũ matũ bakebu inũ matũ bababũ unãkĩ shinãkubaĩshãkanikiki, ea hakimamarã. Mai betsa ukeria Abraão inũ, Isaque inũ, Jacó ha mai pakea ẽ hatu yubaniwẽ taeshũ ha matu yunukĩ ẽ matu ibu wamashanaii. Earã, ẽ matũ shanẽ ibu Senhor Deuski, eã ẽ matu hãtxa wairã. Ea nĩkakãwẽ”— hatu wa

Êxodo 6:6 Referencias Cruzadas

Neemias 1:10

Nuku itxakawaibu hatu nemakĩ mĩ kushipawẽ mĩ nuku mekekubainiwẽ taea nũ minabuki, mĩ tsumaburã.

Êxodo 1:11

haska hatu yunua txibãkĩ Israelĩ enabu hatu itxakawakĩ hau habũ hatu uĩkĩ hatu dayama txakayamanũbũ hatu yunuabu hatu bika tenemakĩ hatu dayama txakayamakĩ hanu piti aruti maewã dabe Pitom inũ Ramessés Egito shanẽ ibu Israelĩ enabũ hau benishunũbũ hatu yunua ashũkubainaibũ

Êxodo 15:13

Nukunabu hatu detepanãbũ mĩ nuikipawẽ nuku duawakĩ mekeshũ mĩ hatu nuku nemashũshuki. Egito detenamenikabu anua mĩ nuku hatu mebĩshũ mĩ kushipawẽ mĩ nuku yunuaii, unanuma mĩ hiwe meribi anu iyukinã.

Êxodo 16:6

Moisés inũ Arãonẽ nĩkashũ hatu yuikĩ: —Egito anua Senhor Deus bestitũ matu iweimarã, na bari kaya haska unãtã mã kẽwãshanaii.

Êxodo 2:11

ma bari itxapahaira kakẽ Moisés ma huni ewahairatũ hawenabu Hebreu nawabu uĩ kashũ hatũ daya bika daya txakayamaibũ hatu uĩbaũkĩ hawenabu Hebreubu bestitxai Egito nawa pubenẽ kusha kusha akaya betxitã

Êxodo 3:17

Habiatiãri Egito anushũ matu bika tenemaibu matu merabewakĩ pashawatã hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu hiwebaunabu anu iyukĩ mai pakea pepa anu piti inũ nushuti mirimanu Deusũ matu iyushanikiki”, akĩ hatu ea yuishũtãwẽ.

Êxodo 3:8

Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Êxodo 32:11

hawẽ mekenika Senhor Deuski datekĩ daewanũ ishũ Moisĩ eska hãtxa yuikĩ: —Senhor Deusuũ, Egito anua minabu mĩ kushipawẽ hatu uĩmakĩ mĩ hatu iweimarã, haskai mĩ hatuki sinata txakayamai?

Êxodo 6:2

Moisĩ hau hawenabu yuinũ Deusũ ana Moisés yuikĩ: —Earã, ẽ matũ shanẽ ibu Senhor Deuski.

Êxodo 6:29

ana yuikĩ: —Earã, ẽ matũ shanẽ ibu Senhor Deuski. Hãtxa dasibi ẽ mia yuishanai Egito shanẽ ibu Faraó ea yuishũkubaĩshãwẽ— aka

Êxodo 7:4

Matũ hãtxa Faraónẽ nĩkama danãyã hanu ẽ kushipahaira ẽ hatu uĩmakĩ dasibibu unãmakĩ Egito nawabũ hatu itxakawakubaĩmisbu Israelĩ enabu shanẽ ibu tibi hawenabube nenua ẽ hatu iyushanaii.

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Hechos 13:17

Habias Yavé Deusũ nukũ shenipabu katunishũ habiatũri Egito anu hatu iwenishũ nawabu keska hiwemakĩ harishũ hatu pahairawa hanu hiwekubainaibũ hanushũ hawẽ kuxipawẽri nawabu nematã ha mai anua hatu tsekabirãkĩ

Deuteronômio 4:23

Hakia matũ mekenika Senhor Deus yaushinikatũ txiwẽ dasibi kuamis keska matuki sinatatiruwẽ taeshũ haska matũ mekenika Senhor Deusũ matu yubani hawẽ hãtxa hakimama inũ habiaskari dami betsa betsapa ha dami watima matu nemani habu tibi hakimama uĩrakubaĩshãkãwẽ.

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

Deuteronômio 6:12

Egito anushũ matũ ibubu dayaru escravo wanishũ hatu itxakawaibu hawẽ kushipawẽ Senhor Deusũ hatu mebikinãtã iwekubiranishũ mai pepa anu ma matu hikimarã, haska tibi bestikiri shinãkĩ nukũ mekenikaki petxitã hakimayamakubaĩshãkãwẽ.