Êxodo 5:3 - Kaxinawá Bíblia (BR)

³ Moisés hawẽ betsa Arãobetã Faraó ana yuikĩ: —Hebreu nawabũ mekenika Deusũ nuku yuimaki. Haskawẽ taea nukũ mekenika Senhor Deus kẽwanũ ika hari tsua hiweabuma anua shaba dabe inũ besti bui hanu hikitã kẽwãkĩ txashuwã itxapa tesẽshũ nũ kuashanaii. Nũ haska wakĩ kẽwãmakẽ nuku kupikĩ tenãtiruki, isĩ paepa tenemaimẽkaĩ, nukuki sinataibũ nupewẽ nuku detetirubumẽkaĩ— aka

Êxodo 5:3 Referencias Cruzadas

Esdras 7:23

Haska Deus nai anuatũ hawẽ hiwe anu hayakatsi matu yukai sinatamama hawaira inãkubaĩshãkãwẽ, hau ea inũ ẽ huni bakebu inũ hatishũ nukũ mai pakea ẽ matu yunuai nĩkaibu anu hawẽ kupiti hau nuku yunuyamashanunã.

Êxodo 3:18

Mĩ hatu haska wa mia nĩka pewashãkanikiki. Haskakẽ Egito shanẽ ibu bena anu hatubetã uĩ kashũ shanẽ ibu yuikĩ: “Hebreubu mekenika Senhor Deus tashnikirã nukuki ma nukushinaki. Haskakẽ nuku heneyuwe, shaba dabe inũ besti ushakaĩ nukũ mekenika Senhor Deus kẽwãkĩ txashuwã itxapa tesẽshũ kuakĩ nũ benimawayui kairã”, akĩ ha shanẽ ibu haska ekiri yuishũtãshãwẽ.

Êxodo 7:16

Mã hari ka aki nukutã Faraóne ea yuishũkĩ: —Hebreubu mekenika Senhor Deusũ mianu ea yunushuki. Mia yuikĩ: “Hanu tsua hiweabuma anushũ enabũ ea kẽwaĩ hau bunũbũ ana hatu nemayamawe. Ẽ mia yuibia mĩ ea nĩkariamaki.

Êxodo 8:1

hanushũ Senhor Deusũ Moisés ana yuikĩ: —Faraó anu ana kashũ ea yuishũtãwẽ: “Senhor Deusũ mia yuiai nĩkawe. Enabũ hau ea kẽwaĩ butanũbũ hatu ana nemayamawe.

Êxodo 8:20

hanushũ Senhor Deusũ Moisés ana hãtxa wakĩ: —Meshukiri Faraó penama hene kesha butuikiki. Mia dukũ penamahaira butukaĩ haki nukushũ eska Faraó yuishãwẽ: “Nukũ mekenika Senhor Deusũ eska mia yuikiki. Nĩkawe: Enabũ hau ea kẽwaĩ bunũbũ hatu ana bashikĩ niti ayamawe.

Êxodo 8:27

Haskawẽ taea hanu tsua hiweabuma anu shaba dabe inũ besti enabuya kashũ harishũ nukũ inabu tesẽshũ menukĩ keyukĩ nukũ mekenika Senhor Deus kẽwaĩ haska nuku yunushina keska ashunũ ika nũ kakatsis ikaii— aka