Êxodo 40:20 - Kaxinawá Bíblia (BR)

²⁰ hanushũ mishki sapa dabe haki hawẽ 10 hãtxa hawẽ yunuti inũ hawẽ nemati ha tibi Deus yubakaima hãtxa Moisĩ bitã bau merã naneshũ hawẽ bakebaĩti hi dabe bau shui anu mistutã hawẽ bepu kenarã, Deus nuiti watã bepukĩ atximatã

Êxodo 40:20 Referencias Cruzadas

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Êxodo 16:34

haska Senhor Deusũ Moisés yunushina keska wakĩ hau hatu arushũkubaĩshanũbũ ha dukũ haska bebũkiri hatube yubakani hãtxa aruni bau merã nai anua misi Arãonẽ arukĩ tsaunikiaki.

Êxodo 31:18

Mati Sinai anua Moisésbe Senhor Deus hãtxai menetã hawẽ yunuti inũ hawẽ nemati hãtxa Deusũ hawẽ shinanẽ mishki ture sapa dabeki hawẽ mekẽ kayabis haska kenea Moisés inãyã

Êxodo 40:19

hawẽ tari tuash ewapa itxapa pũte pewakĩ tariwẽ mamaki hatu mabemashũ haska Senhor Deusũ yunuima keska wakĩ Moisĩ hawenabu pũtemabaũkĩ keyutã

Mateus 3:15

Jesusũ yuikĩ: —Ea haska wama ea naximawe, Deusũ nuku yununiwẽ taeshunã— aka —Haskakenã, peki— ikaĩ, Joãonẽ Jesus naximakĩ

Romanos 10:4

Haska inũ, hawẽ yunuti inũ hawẽ nemati hãtxa besti txibãkĩ Deus benimawapaibiabu nuku dasibibũ nũ atirumakẽ ha yusĩni Cristoki hikia hatũ shabakabi betsa wakĩ nukũ txakabu buai mawakĩ ha yununi ana hawẽ hiwetima wakĩ Cristo besti nũ ha ikũwaĩbu hau Deusũ nuku pepawashanũ Deus benimawai Cristo nuku ishuniki, Deusũ hãtxa Moisés hatu yusĩni txibaĩ ibubis pepai ana nũ haskayamashanũbunã.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

Hebreus 9:4

Ha dĩtu meranã, habianushũri hakishũ inĩti kuati ouro mane txi tapu fogão hayaniki. Ha inũ, hawẽ Deusũ yubani hãtxa aruti bau meribihaira ouro haswẽ dasibi bepukĩ keyua hayanikiaki. Ha merã ouro mane xumuki hanu tsua hiweabumanushũ Deusũ hatu inãkĩ hatu pimapauni maná duru inũ, Arãonẽ mestẽti dami hukuĩ huani hi inũ, mixki ture sapa dabeki Deusũ yunuti inũ hawẽ nemati 10 hãtxa keneni hati hayanikiaki.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.