Êxodo 34:11 - Kaxinawá Bíblia (BR)

¹¹ Natiã haska ẽ matu yunuairã, txibãkĩ akubaĩshãkãwẽ. Eanã, hatũ mae tibi matu mebĩmakĩ matũ berubi ẽ hatu nitxĩkubaĩshanaii, Amorreu nawabu inũ, Canaã nawabu inũ, Heteu nawabu inũ, Ferezeu nawabu inũ, Heveu nawabu inũ, Jebuseu nawaburã.

Êxodo 34:11 Referencias Cruzadas

Êxodo 3:17

Habiatiãri Egito anushũ matu bika tenemaibu matu merabewakĩ pashawatã hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu hiwebaunabu anu iyukĩ mai pakea pepa anu piti inũ nushuti mirimanu Deusũ matu iyushanikiki”, akĩ hatu ea yuishũtãwẽ.

Êxodo 3:8

Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Êxodo 33:2

Ẽ nai tsuma kushipa hau hatũ matu merabewakubainũ matube ẽ yunushanaii. Mã hariri kanũ hau hatũ matu bai meshtemabaĩkĩ nawa tibi hatũ mai pakea anu Canaã nawabu inũ, Amorreu nawabu inũ, Heteu nawabu inũ, Ferezeu nawabu inũ, Heveu nawabu inũ, Jebuseu nawabu matu nitxĩmashanikiki.

Êxodo 8:27

Haskawẽ taea hanu tsua hiweabuma anu shaba dabe inũ besti enabuya kashũ harishũ nukũ inabu tesẽshũ menukĩ keyukĩ nukũ mekenika Senhor Deus kẽwaĩ haska nuku yunushina keska ashunũ ika nũ kakatsis ikaii— aka

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

João 14:21

Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya

Deuteronômio 12:32

hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.

Deuteronômio 4:40

Haska natiã ẽ matu yunuai keska hawẽ yunuti inũ hawẽ nemati hãtxa Senhor Deusũ matu yunuima akĩ txibãkubaĩshãkãwẽ. Mã haska waibũ maiwã ibuwamakĩ Senhor Deusũ matu inaĩ anu matu inũ matunabu pakubaini bari itxapa hanus hiwepakeshãkanikiki”, hatu wanikiaki.

Josué 23:5

Haska matu yubani keska wakĩ tsuabura mã nitxĩriama hatũ mae tibi mebĩkĩ matu bebũkiri Senhor Deusũ habu matu nitxĩshunaya hatũ mai pakea tibi mã ibu washanaii.