Êxodo 33:19 - Kaxinawá Bíblia (BR)

¹⁹ —Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Êxodo 33:19 Referencias Cruzadas

Salmos 65:4

Haratura yura mĩ hiwe meribi anu mia dapi hiwemakĩ katushũ mĩ iyua benimakũkaĩmiski. Betsa betsapa pehairawẽ mĩ hatu duawarã, mĩ hiwe meribi anua nũ pe hiwekatsis ikaii.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Jeremias 31:14

Hawenabu Deusbe hãtxashunikabũ piti pepa pikubaĩshãkanikiki. Ẽ hatu duawaya piti hamẽ ikai enabũ yaniwakubaĩshãkanikiki. Ea ẽ Senhor Deusũ ẽ hãtxawẽ ẽ matu mestẽwaiĩ”, iwanã,

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.