Êxodo 32:30 - Kaxinawá Bíblia (BR)

³⁰ ushashini ana penaya hawenabu dasibi Moisĩ ana hatu yuikĩ: —Hawẽ hãtxa danãkĩ dami yushĩ watã kẽwainã, Senhor Deus itxakawai mã haki kashehairashinabuki, txakabuhairairã. Nukũ mekenika Senhor Deus anu ana mapekeshũ daewakĩ matũ txakabu hau matu buashunũ ẽ matu yukashuni kaii. Ẽ hãtxa nĩkatã Senhor Deusũ ana matu kupiama ishanimẽkaĩ, matũ txakabu ana shinãmarã— hatu watã

Êxodo 32:30 Referencias Cruzadas

2 Samuel 12:9

Haskakĩ mĩ ẽ hãtxa ea nĩka pewama ikimashũ ẽ haska betxipaiai keska mĩ akama danaĩmamẽ? Amom nawabu Heteu nawa Urias hatu tenãmanũ, iwanã, hau Urias nitxĩshanũ mĩ Joabe yunua Urias hatu tenãmaimaki, hatu haska wamatã hawẽ aĩ mina wakĩ bikatsirã.

2 Samuel 16:12

Haska ikis ea bika tenemaibũ Senhor Deusũ uĩkĩ ekiri pe shinãkĩ ea ana duawakubaĩshanimẽkaĩ, na yuputi hãtxa txakabu ẽ nĩkai keskamarã— hatu wabaini

Êxodo 32:29

hanushũ Levĩ enabu Moisĩ yuikĩ: —Natiã Senhor Deusũ hãtxa txibãkĩ matũ bakebu inũ matũ betsabu kupikĩ mã hatu deteshuwẽ taeshũ natiã Senhor Deusũ matu duawakubaĩshanũ ika matu kushipawakĩ katushuki— hatu wa

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Jonas 3:9

Nũ haska wakubainaya nukũ txakabuwẽ nukuki sinatabiashina Deusũ hawẽ shinã betsa washanimẽkaĩ. Haska waya nũ mawama ishanaii”, hatu wa bushũ mae hirabi anu hatu yuikubaunaibũ

Lucas 15:18

Haskakẽ nenua txĩtũkaĩ hikishũ yuikĩ: ‘Epaã, Deusũ yunua nĩkama itxai miari itxakawai ẽ txakabukaĩtanaii.

Lucas 7:47

Haskakẽ ewẽ nuikĩ ea abuhairaiwẽ taeshũ hawẽ txakabu mirimabiakẽ ma ẽ buashuna mĩ unãtiruki. Hamẽ tsuãra txakabu eskarabes nũ buashuna mawaira ea inũ ẽ Epa xinã mirĩmisbuki— iwanã,

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

1 Samuel 12:17

Ikis shekiwã trigo tsekamisbutiã ui ismaki. Txanimamẽ? Hakia na habiatiã ẽ Senhor Deus yukaiwẽ taeshũ uiyabi kana tũ imakĩ Senhor Deusũ ui yunuikiki, ikisrã. Shanẽ ibu kushipa betsa ea yukai mã txakabuhairaimaki. Natiã mã tapĩkĩ unãtirubuki, Senhor Deusũ matu uĩmayarã— hatu watã

1 Samuel 12:19

dasibibũ Samuel yuikĩ: —Txakabu hayahairabia shinã txakakĩ ana nukũ txakabu matsãkĩ hamamaki nũ yununika shanẽ ibu kushipahaira yuka ikima ha shinãma hau nũ mawayamanũ mĩ Shanẽ Ibu Senhor Deus ea akĩ nuku yukashũwẽ, nũ mĩ tsumaburã— akeakeabu

1 Samuel 12:20

Samuelĩ kemakĩ ana hatu yuikĩ: —Dateyamakubaĩkãwẽ. Txanimaki. Mã txakabuhairaimaki. Hakia ikis Senhor Deus heneama, matũ shinã dasibiwẽ ha besti kẽwãkĩ ikũwãkubaĩshãkãwẽ.

1 Samuel 12:23

“Senhor Deus ẽ matu ana yukashunamaki”, iki ea ẽ txakabukatsi ikamaki. Senhor Deus matu yukashuni ẽ henekatsi ikamariki. Haskawẽ taeshũ bebũkiri pe hiwekaĩkĩ mã kaneama ishanũbũ ẽ matu yusĩkubiranaii.

1 Samuel 2:17

Senhor Deus inãkuĩ nami hawenabiakẽ ha berunãbũ ibubis txakabukĩ ha inãkuĩ Senhor Deus beshuãbu hawẽ berubi atimapahairawakĩ Senhor Deus kẽwãti beya danãkĩ Senhor Deus sinatamahairaibũ