Êxodo 32:25 - Kaxinawá Bíblia (BR)

²⁵ huni betsa betsapabu Israelĩ enabuki sinatamisbu hatuki kashetirubu Moisĩ unãkĩ inũ Arãonẽ hatu mekekĩ hatu hawa nemama hatũ txakabu besti txibaĩ beyakũkainai Moisĩ shabakabi uĩtã

Êxodo 32:25 Referencias Cruzadas

Gênesis 3:10

tashnibirã kemakĩ: —Bai nekia mĩ huai nĩkatã tariuma datehairai ẽ huneshuki— aka

1 Reis 12:28

haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

Êxodo 32:26

hatũ mae kesha nishũ hui kushipawẽ hatu yuikĩ: —Tsuabũra mã Senhor Deus txibãkatsis ikairã, neri ea anu itxai bekãwẽ— hatu hawẽtsaĩs akawã Levĩ enabu hunibu dasibi bei Moisés anu itxaibũ

Miquéias 1:11

Safir anu hiweabuũ, txaihaira matuki sinataibũ matu iyushãkanikiki, tariuma matu dakehaira wabaĩkinã. Zaanã anu hiweabu hawa kaĩbaini pashama ishãkanikiki. Bete-Ezel anu hiweabuũ, maturã, tsuã matu merabewama habianu besti kashahairai mã hani kama ishanaii.

Romanos 6:21

Hawẽ haskati mã ikũkainimamẽ? Ha txakabũ yurabu hatu debuwamis hawẽ benuti bai mã txibãkubainimarã, natiã xinã betsa watã mã hawẽ dakeaii.

Apocalipse 16:15

Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya