Êxodo 32:17 - Kaxinawá Bíblia (BR)

¹⁷ hanushũ hawenabu sai sai ikaibu Josué nĩkakĩ Moisés huai yuikĩ: —Nukũ mae anua detenamei sai sai ikaibu ẽ nĩkaii— aka

Êxodo 32:17 Referencias Cruzadas

Êxodo 17:9

hanushũ Moisĩ hawẽ merabewanika Josué kenashũ yuikĩ: —Meshukiri Deusũ kushipa mestẽti hi tsumatã ha mati mamaki anushũ matu uĩ ẽ hari nibaishanaii. Haskawẽ taeshũ nukunabu detenamea unaĩbu hatu katushũ hatu pewatã Amaleque nawabu detekĩ hatu binumakĩ hatu nitxĩshãkãwẽ— aka

Êxodo 24:13

shanẽ ibu beshmasbu Moisĩ yunukĩ: —Nũ kaya nenushũ ea manayushãkãwẽ, hatiãra ẽ txĩtuainã. Ẽ betsa Arão inũ ẽ txai Hur matube ẽ bashiyubainairã, tsuabura txakabui ha ikaibu ea shanẽ ibushũyukĩ Arão inũ Hurĩ hau hatu pewanũbũ ha dabe anu hatu iyushãkãwẽ— hatu watã hawẽ merabewanika Josué iyui Deusũ mati nai kuĩwẽ atximakẽ namakis anu mapekea

Êxodo 32:18

hakia Moisĩ kemakĩ: —Haskamaki. Hatu binutã benimai sai sai ikaibu inũ ma hatu deteabu bis bis ikaiburi ẽ nĩkamaki. Betsahaira ẽ nĩkaii— aka

Êxodo 32:6

ushashini penaya butushũ Deus kẽwãti inũ hawẽ daewati akĩ hatũ ina itxapa tesẽshũ ha txi tapu anu ina hanashũ menukĩ keyukẽ yurabu dasibi tsaubaũshũ pikĩ mabesh akĩ keyutã dasibi benimai beyusaibũ

Josué 6:10

habiatiãri Josué hawẽ detenamenikabu hatu dasibi ana yuikĩ: “Matũ hui hau nĩkayamanũbũ sai sai iyamakãwẽ. Ha dikabi: ‘Sai sai ikãwẽ’, iwanã, ẽ matu yunuriama hãtxama pes buaketãyukãwẽ. Txipu: ‘Hui kushipawẽ sai sai iki keyukãwẽ’, akĩ ẽ matu yunushanaii”, hatu watã

Josué 6:16

Deusbe hawenabu hãtxashunikabũ txã txã akĩ heneabuma hawẽ henei sétimotiã buãkĩ txã akĩ txaipa waibũ Josué hatu yunukĩ: “Sai sai ikãwẽ, na maewã Senhor Deusũ ma nuku inaĩkikirã.

Josué 6:20

Deusbe hawenabu hãtxashunikabũ txashuwã mashũ txã akĩ txaipa waibũ nĩkatã kushipawẽ sai sai iki bis itxakayamai txaipaibũ Jericó maewã mishki kenekauna di iki keyuaya hawẽ deteti matxatu txaipaya huni tibi bebubaĩ hiki keyutã dasibi hatu detekĩ hunibu inũ, aĩbuaibu inũ, bake mishtĩbu inũ, anibu inũ, yushabu inũ, hatũ ina awa dasibi inũ, hatũ txashuwã dasibi, inũ hatũ jumento dasibi yamawakĩ hatũ maewã hirabi atxiabu

Josué 6:5

Haska hatu yunushina itã itani keyutã mapubaunabũ txashuwã mashũ txã akaibu hui kaĩ betsatanaya nĩkatã dasibi hau hui kushipawẽ sai sai ishanũbũwẽ. Ha sai sai ikaibũ hawẽ nemati mishki kenebaunibu hamebi di iki keyuaya huni dasibi hauri besuabuuri bui hatu detenũ ika mae merã hau hikibaĩshanũbũwẽ”, aka

Juízes 15:14

mae Leí anu hawenabũ Sansão Filisteu nawabu hatu iyushunabu betxibirani hatuki nukui hatũ tari hiwe anua kaĩbirani benimahairai sai sai ibiranaibũ Senhor Deusũ Yushinĩ Sansão kushipawaya hawẽ pũyãyabi hawẽ mekẽ dispiwẽ neashũ iweabu dasibi tesekaini dispi menua keskai niri iki keyuaya

1 Samuel 17:20

Davi penama bestẽtã hawẽ epã txashuwã huni betsã hau mekeshũyunũ yunutã piti hawẽ epã yunushina hatu bushuĩ kai hatũ tari hiwe pũtebaunabu anu hikitushiaya Israelĩ enabu detenamenika mapubainabu hatũ date henei ana dateama detenamenũ ika sai sai iki keyuaibũ

1 Samuel 17:52

Israelĩ enabu inũ Judá enabũ hatu uĩtã hatu detenũ ika hui kushipawẽ sai sai ibaĩkĩ hatu txibãbaĩkĩ hatũ detetiyashũ Filisteu nawabu maewã dabe Gate inũ Ecrom mishki kenebaunibu anu hatu henetã Saaraim bai kawẽ inũ Gate bai kawẽ Ecrom anu bai ka namaki Filisteu nawabu mirima debua mania uĩkubirani