Êxodo 32:1 - Kaxinawá Bíblia (BR)

¹ ha 40 shaba binukaini mati anua Moisés yane buturiamakẽ Israelĩ enabũ uĩ Arão anu hunibus bua haki itxashũ yuikĩ: —Ha Moisĩ Egito anua hatũ nuku tashnimabiranimarã, haskashinamẽ? Nũ unãmaki. Haskakenã, nukũ mekenika yushĩ betsabu wakĩ nuku dami washũwẽ, hau hatũ iyukĩ nuku bebushũbainũbunã— akabu

Êxodo 32:1 Referencias Cruzadas

Gênesis 19:14

hanua Ló kaĩkaini ha hunibu hatu dais wakatsi ikĩ hatu yubaima i kashũ hatu yuikĩ: —Senhor Deusũ na mae samama yamawaikiaki, hatũ txakabuwẽ kupikinã. Bestẽtã nenua hawaira bukãwẽ— hatu wa hawẽ hãtxa ikũwãbuma hatu kashe wai dabanẽ ikaibũ

Gênesis 21:26

hanushũ Abimeleque Abraão nĩkatã kemakĩ: —Tsuabũ mia akimamẽ? Haska mia waimabu natiã ẽ hawa unãmaki. Mĩ ea yuiama ikima ẽ dama nĩkaii— aka

Gênesis 39:8

José nemakĩ: —Miwẽ kemukĩ ẽ mia meamaki. Uiã, ea uinika washũ ẽ tsumapã hawẽ hiwe inũ hawẽ bai ea yunuimaki, hawena dasibi ẽ meke pewashununã. Nenu ea inũ ẽ tsuma nũ habias keskaki. Hawena dasibi yaushiama ea mekemakĩ ea yunuyuimaki. Hakia mia besti ea yunuamaki, mĩ hawẽ ainã. Haskai eiskauã emebi txakabui ẽ daketapatirumaki, Deuskiri txakabuirã— aka

Gênesis 44:15

José hatu yukakĩ: —Mã haska kainamẽ? Ẽ huni mukaya unanepama dabanẽ mã ea haska wabainamẽ? Tsua ea keska hayamaki— hatu wa

Gênesis 44:4

mae anua kaĩbaini txaima buaibũ José hawẽ hiwe mekenika shanẽ ibu ana yunukĩ: —Buaibu txibãbaĩ hatuki nukutã hatu yuikĩ: “Matu pewabia haskakĩ ẽ shanẽ ibũ prata mane kẽtxa mã yumetsukiranai? Haki nushumis inũ hawẽ mukayakĩ hatu unãmis yumetsũkĩ mã txakabuhairakirãshuki”, akĩ haska hatu yuitãwẽ— aka

Êxodo 14:11

Moisés hãtxa txakabuwakĩ yuikĩ: —Egito nawabũ nuku tenanũ ika bekanikiki. Hari Egito anua nũ mawa hani nuku mai watirubumakẽ nenushũ nuku tenanũ, iwanã, mĩ nuku tashnimabirashinamẽ, tsua hiweabuma anushũ nuku tenã bestinũ ikarã?

Êxodo 16:3

yuikĩ: —Egito anushũ kẽti nami mata inũ shekiwã misi mirima shaba tibi nũ yanihairawakubainaibũ Senhor Deusũ buni tenemakĩ unãshubira nuku debuwaya Egito anu pe nũ ikeanimaki. Hakia nenu hanu tsua hiweabuma anushũ nuku buni tenemakĩ unãshubira nuku dasibi debuwanũ, iwanã, shinãkĩ mã nuku iweshinaki— iake iakeaibũ

Êxodo 24:12

hanushũ Senhor Deusũ Moisés ana yuikĩ: —Neri eanu ana mapekewe. Hanushũ ea manakawe. Hawẽ yunuti inũ hawẽ nemati hãtxa uĩmakĩ mĩ hatu yusĩkubaĩshanũ mĩ huai mishki ture sapa dabeki ẽ ma kenea ẽ mia inãshanaii— aka

Êxodo 24:18

ana mapekei nai kuinẽ ha mati atxia anu Moisés hikia haria 40 shaba inũ 40 yame Deusbe ikũkainikiaki.

Êxodo 32:11

hawẽ mekenika Senhor Deuski datekĩ daewanũ ishũ Moisĩ eska hãtxa yuikĩ: —Senhor Deusuũ, Egito anua minabu mĩ kushipawẽ hatu uĩmakĩ mĩ hatu iweimarã, haskai mĩ hatuki sinata txakayamai?

Êxodo 32:22

Arãonẽ Moisés beparãkĩ kemakĩ: —Ẽ shanẽ ibuũ, eki sinatayamawe, na yurabũ txakabu betxipaikĩ amisburã, mĩ unaĩwẽ taearã.

Êxodo 32:23

Habũ ea yuikĩ: “Mĩ betsa Moisinã, Egito anua nuku iwebiaima haskashinamẽkaĩ nũ unãmaki. Haskakenã, nukũ mekenika yushibu dami nũ uĩkubaĩshanũ nuku ashũwẽ, hau hatũ nuku mekebaĩkĩ iyushanunã”, ea wabu

Êxodo 32:7

hanua haskaibũ Senhor Deusũ Moisés yuikĩ: —Uĩwẽ. Minabu Egito anua mĩ hatu iweimarã, hatũmebi txakabui benukanikiki. Hatu uĩ hawaira butukaĩtãwẽ.

Êxodo 33:3

Ha mai pakea anu mã kairã, hanu inapã txutxu inũ buna bata hamẽ itxakayamai anu mã piti pepa hayashanai anu bukãwẽ. Hakia earã, ẽ matube kamaki. Minabu patapabube kakĩ bai namakishũ ẽ hatu yamawakatsi ikamaki.

Miquéias 6:4

Egito nawabũ hatu itxakawaibu hatu dayama txakayamai nemakĩ Egito mai pakea anua hau habũ hatu iyukubainũbũ Moisés inũ hawẽ betsa Arão inũ hawẽ pui Miriã eã ẽ hatu yunua matũ shenipabu hatu iyumakĩ eã ẽ hatu tashnimabiraniki.

Números 14:22

Egito inũ hanu tsua hiweabuma anushũ ẽ kushipa inũ hawẽ unãmati dami betsa betsapa ẽ ma hatu uĩmabiakubirana uĩbiakĩ hawẽtsaĩs ea unãti wanũ ishũ ẽ yunuti hãtxa txibãkatsi ikama ikubirãkanikiki.

Mateus 24:43

Ha inũ, ikũ hatiara yumetsu huai bebũkiri unãkĩ hiwe ibũ beshtekatsi manatiruki, hau hikiyamanunã.

Mateus 24:48

Hakia hawẽ tsuma xinã pema ha shanẽ ibũ yunubainima xinãtxakakĩ yuikĩ: “Ẽ shanẽ ibu yane huamaki. Uatiã hui kaimẽkaĩ”, iki

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Hechos 19:26

Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ.

Hechos 7:40

hawẽ betsa Arão yuikĩ: “Egito anua nuku iwebiaima Moisés Mati Sinai anu kaima ana huamaki. Haskaima nũ unãmaki. Haskakenã, yushĩ betsa dami wakĩ ha kẽwãti nuku ashũwẽ, hau hatũ nuku yunukĩ iyukubaĩshanunã”, akabu

Josué 7:13

Ẽ matu ana merabewatirumẽkaĩ, mĩ shinaĩ benikaĩ ẽ daenũ minabu dasibi itxawashũ hatu pewariwe, eska hatu yuikinã: “Meshukiri eanu bekatsi hau petã benũbũwẽ. Earã, ẽ Israelbũ mekenika Senhor Deuski. Eã hatu yuikĩ: ‘Israelĩ enabuũ, ea nĩkakãwẽ. Jericó anua mabu kua keyuti ẽ yunubiakẽ kua keyuama mã betsa arubaĩshina mã hayaki. Ha mabu tsuãra bishũ mã kuama ishiãwẽ taeshũ nawabu matuki sinataibu mã ana hatu maematirumaki’, akĩ na habias hãtxa ẽ mia yuishu ea hatu yuishũtãwẽ.

2 Pedro 3:4

yuka ikĩ: “Cristo yubakai: ‘Ẽ ana hushanaii’, ikainirã, hania? haska mã txanimisrã. Nukũ ibubũ nĩkabaini ma mawanibuki. Haskabia Deusũ mai bawani anu nũ hiwea habiaskas kaikiki”, ikĩ matu yukakubaĩshãkanikiki.