Êxodo 24:13 - Kaxinawá Bíblia (BR)

^13-15 shanẽ ibu beshmasbu Moisĩ yunukĩ: —Nũ kaya nenushũ ea manayushãkãwẽ, hatiãra ẽ txĩtuainã. Ẽ betsa Arão inũ ẽ txai Hur matube ẽ bashiyubainairã, tsuabura txakabui ha ikaibu ea shanẽ ibushũyukĩ Arão inũ Hurĩ hau hatu pewanũbũ ha dabe anu hatu iyushãkãwẽ— hatu watã hawẽ merabewanika Josué iyui Deusũ mati nai kuĩwẽ atximakẽ namakis anu mapekea

Êxodo 24:13 Referencias Cruzadas

Êxodo 19:3

Deuski nukui Moisés mapekeaya mati keyatapa anushũ Senhor Deusũ kenakĩ yuikĩ: —Moisĩ, Jacó bakebu pakubainaibu, Israelburã, na habias hãtxa mĩ hatu yuitanũ ẽ mia yuiai ea nĩkawe.

Êxodo 3:1

Habiatiãri hawẽ kuka Reuel, hawẽ kena betsa Jetrorã, Midiã anu hiwea hawẽ txashuwã Moisĩ basi pimashũkubaini txaihaira kakũkaini hanu tsua hiweabuma anu hatu iyui kai hanu Deusbe hãtxati mati keyatapa hawẽ kena Horebe tenamã Moisés hikikẽ

Êxodo 32:17

hanushũ hawenabu sai sai ikaibu Josué nĩkakĩ Moisés huai yuikĩ: —Nukũ mae anua detenamei sai sai ikaibu ẽ nĩkaii— aka

Êxodo 33:11

tsuara hawẽ haibube hãtxamis keskai benitximea Senhor Deus Moisésbe hãtxapaunikiaki. Haskatani Moisés hawẽ hiwe anu txĩtũkiranaya hanua hawẽ merabewanika Numnẽ bake berunanã Josué ha hiwe anua kaĩkĩ henebiranama ipaunikiaki.

Êxodo 4:27

bebũkiri Senhor Deusũ Moisĩ betsa Arão yuikĩ: “Hanu tsua hiweabumanu mĩ betsa Moiséski nukui kawe”, aka Arãonẽ nĩkatã txaihaira haki nukui kai hanu Deusbe nukuti mati anu Moiséski nukutushia bari itxapa uĩsma benimahairakĩ yukakĩ tãtsu aka

Números 11:28

hanushũ Numnẽ bake Josué berunãbiatũ Moisés merabewakĩ taewabiranimatũ Moisés yuikĩ: —Ẽ shanẽ ibu Moisĩ, hatu nemawe, hau ana haska hãtxayamanũbunã— aka

Josué 1:1

Senhor Deusũ tsuma Moisés ma mawashĩkẽ txipu Moisĩ merabewanika Numnẽ bake Josué Senhor Deus habe hãtxakĩ yuikĩ: