Êxodo 20:17 - Kaxinawá Bíblia (BR)

¹⁷ Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Êxodo 20:17 Referencias Cruzadas

Gênesis 3:6

aĩbũ shinãkĩ: —Ha hi bimi piti sharabuki. Hawẽruaki. Hawẽ unãtikiaki— ishũ tsekashũ pishũ hawẽ beneri ma hua inã hatũri pitã

Jó 31:1

Aĩbu txipash ẽ aĩma uĩ hawẽ kemukĩ txutakatsi ikama Deusbe ẽ yubakaniki.

Jó 31:9

Txanima kemukĩ ea dapi hiweatũ aĩ uĩ kasmai hawẽ bene hanumakẽ parãtã ẽ txutaimakenã,

Provérbios 4:23

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Provérbios 6:29

Habiaskariai huni betsã aĩ beneyabiakẽ habe txutanamemisrã, txanima hawẽ kupiti bishanikiki, txi dekẽ ikua keskairã.

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Miquéias 2:2

Hatũ yunu bai pepa ibuyabiakẽ hawẽ kemukĩ biãkĩ mã hatu mebĩmisbuki. Hatũ hiwe pepa anu ibu hiwebiakẽ kemukĩ biaĩ mã yumetsumisbuki. Baiya hatũ bake heneshũbaĩshanaibu ha yurabu hawenabuyabis hatu itxakawakĩ mã hatu nuitapawamisbuki.

Habacuque 2:9

Tsuabubera hatube detenamekĩ mese binutã hatũ mabu yumetsubirã matũ hiwe tibi mã mata wamiswẽ taearã, matu anu kupiti mese huayarã, mã peirashãkãwã!

Mateus 5:28

Hawẽ hãtxa ikũki. Ana habiasri matu yusĩnũ nĩkakãwẽ. Tsuãra aĩbu kawanai uĩ hawẽ kemukĩ txutakatsis ikĩ xinaĩnã, ma txuta keskaki.

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

Lucas 16:14

fariseubu peiwẽ kemukĩ abumisbũ Jesusũ yusĩa nĩkakĩ kashe wakĩ usaĩbu

Hechos 20:33

—Daketapakĩ ibubis matũ pei inũ matũ mabu matu bianũ ika kemuama

Hechos 5:4

Mĩ bai mĩ hatu inãriama minayushuki. Ha inũ, pei mia inãbu minariayushuki. Hakia mĩ pei mĩ pashkashũ nuku inãkĩ mĩ nuku paraĩnã, mĩ nuku akamaki. Mĩ Deus paranũ ika ikaii. Hawai eiskirã mĩ haskatuxiai?— aka

Romanos 13:9

Haska inũ, yura betsawẽ nuikĩ hatu merabewakĩ Deusũ yunuti inũ hawẽ nemati dasibi mã txibãriakubainaii. Eskaki, matu yusĩnũ nĩkairakãwẽ. Deusũ hawẽ nemati yuikĩ: “Huni aĩyãbia aĩbu betsabe txutanametimaki. Aĩbu beneyabia huni betsabe txutanametimariki. Mimebi pubẽkĩ yura betsa kupikĩ tenãtimaki. Tsuãra hamapai yumetsutimaki. Tsuara hamapai mabu hawẽrua haya kemutapa betxitã hawẽ kemutaskayamashãkãwẽ”. Ana hãtxa huneama shabakabi uĩmatirã, Deusũ yunuti binu keyuarã, eska yuiniki: “Mimebi nui mĩ mekeai keskakĩ yura betsa mibe hiweawẽ nuikĩ mekekĩ hatu xinaĩrakubaĩkãwẽ”, aniki, Moisésnã.

Romanos 7:7

Haskakẽ nũ xinãkĩ yuiairã: “Deusũ yunuti inũ hawẽ nemati hawẽ txakabukĩ danãmatimẽ?” Haskamaki. Haska Deusũ Moisés hawẽ yunuti inũ hawẽ nemati kenemabianikẽ hawẽ yusĩa ẽ nĩkaisma txakabu hakiri ẽ tapiãma ikeaniki. Hakia Deusũ nukũ shenipabu yusĩkĩ: “Hawara yura betsana xinaĩ hawẽ kemuyamakãwẽ”, ini ha ẽ tapiãma hawẽ kemuti txakabu ẽ unãma ikeaniki, kemu Deusũ nemabianikenã.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

Efésios 5:3

Hanushũ ikũwãbumã hatu ati wakĩ hawa txakabuki dakeama yuikĩ hamapaiwẽ kemuhairakubaini hiwemisbuki. Hakia matuburã, ana hatu keska hiweama haska ikũwaĩ hiweti betsahaira hiwekĩ txutanamebaũmisbukiri ana xinaĩ hãtxama inũ txakabu atimapa tibi ana xinaĩ hãtxamari inũ kemu paekiri ana xinaĩ hãtxama haska Deusũ hawenabu uĩkatsi ikai keska besti txibaĩ hãtxakubaĩkãwẽ.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Filipenses 3:19

Ha yurabu haskaburã, nukũ Deuskiri xinãma habũ deusrã, pikekĩ pi bestimisburã, ha inũ, hawẽ kẽmisburã, yurabu hawẽ dakebiaibũ habu dakeama hamapai txakabu na mai anua besti xinãkĩ abukĩ akubaĩmisbu hanu bari hawẽ heneaitiã habu benunũbarikanikiki, Deusũ hatu kupiarã.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Josué 7:21

Jericó nawabu nũ hatube detenameaitiã hatũ mabu uĩbaũkĩ Babilônia anua tari peyabukuti hawẽruahaira inũ, 200 prata pei heshe inũ, ouro ture pishta meio quilo binua betxishũ hawẽ kemukĩ bibaĩ ẽ tari hiwe merã mai pukĩtã ha dukũ pei heshe mãtxĩtã hanua ouro ture hanatã hamamaki peyabukutiwẽ atximashũ ẽ maiwashinaki— akaya

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya

1 Samuel 15:19

Haska shinãma hawẽ hãtxa nĩkama binumakĩ hatu detebiakĩ hatũ mabu inũ hatũ inabu henebainaibu haskakĩ mĩ hatu biãbirãshinamẽ, Senhor Deusũ berubi txakabukiranirã?— aka