Êxodo 2:21 - Kaxinawá Bíblia (BR)

²¹ ha huni iweabu beya wakĩ Reuel inũ hawenabu Moisĩ hatu betxipai hatube hiwekũkainaya txipu aĩwãmakĩ Reuelĩ hawẽ aĩbu bake Zípora bimakẽ

Êxodo 2:21 Referencias Cruzadas

Êxodo 2:10

ma yumewashũtã iyushũ Egito shanẽ ibũ aĩbu bake inãtã ibu ma kakẽ shanẽ ibũ bakẽ hawenabu yuikĩ: —Na bakerã, enamabia ena kayabi ẽ waii. Hene anua ẽ nesheimawẽ taeshũ hawẽ kena Moisés ẽ washuki— hatu wa

Êxodo 2:20

hawẽ bakebu yukakĩ: —Hania ha huni peparã? Haskakĩ ha besti mã bashibirãshumẽ? Ha huni pepa itãkãwẽ, hau ebetã piyununã— hatu wa ana bushũ

Êxodo 3:1

Habiatiãri hawẽ kuka Reuel, hawẽ kena betsa Jetrorã, Midiã anu hiwea hawẽ txashuwã Moisĩ basi pimashũkubaini txaihaira kakũkaini hanu tsua hiweabuma anu hatu iyui kai hanu Deusbe hãtxati mati keyatapa hawẽ kena Horebe tenamã Moisés hikikẽ

Êxodo 4:18

hawẽ kukã txashuwã mekeshuna anua ana txĩtũkirani hawẽ kuka Jetrõ hiwe anu hikishũ yuikĩ: —Kukaã, ea nĩkawe. Enabu Egito anu hiweyuabumẽkaĩ ẽ uĩkatsis ikaii. Ana txĩtũkaĩtãshãpa?— aka Jetrõ kemakĩ yuikĩ: —Peki. Uĩra unanuma katãshãwẽ—

Números 12:1

Moisĩ Etiópia nawa aĩbu aĩwãshĩkẽ hawẽ taeshũ ha aĩbu danãkĩ Moisĩ pui Miriã inũ hawẽ betsa Arãonẽ Moiséskiri hãtxa txakabukĩ

Hechos 7:29

haska wa nĩkatã datei txai kai Moisés pashai mae betsa Midiãnawabu anu hari kani haria nawa keskai hiweshũ aĩbu bitã huni bake dabe wanikiaki.

1 Timóteo 6:6

Haskakiri nukubũ nũ hariri xinãkĩ ikũwaĩburã, txanima kayabiki. Deusũ hawẽ pepa tibi mabu keyumis keskama nuku inaĩ inũ nuku inãshanaiwẽ taea nũ benimahairakũkainaii. Haskakẽ natiã haska nũ haya bestiwẽ benimayunãkãwẽ.

Hebreus 11:25

Moisés katukinã, Egitonawabũ beya hatubetã mei benimai hatube txakabui hiwekatsi ikama haska hawenabũ bika teneaibube merabewai hatube nuitapakatsi haska xinãkĩ katunikiaki.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Santiago 1:10

Mã ikũwaĩ mabuyabuũ, matũ mabu bestiwẽ hawẽ keĩ mã xinãyamanũbũ Deusũ matu ma yusĩmawẽ taea maturi benimarikãwẽ, matũ mabu mã hayabiarã, harã, ni mashu hawẽ huayabis debumis keska mã unaĩnã.