Êxodo 19:9 - Kaxinawá Bíblia (BR)

⁹ hanua Senhor Deusũ Moisés yuikĩ: —Uiã. Nai kuĩ matũ mae anu butetã ha meranua nũ hãtxanameaya minabũ nĩkatã hau mĩ hãtxa ikũwãkubaĩshanũbũ hanua ẽ mibe hãtxai kashanaii— iwanã

Êxodo 19:9 Referencias Cruzadas

Êxodo 14:31

haska hawẽ kushipawẽ Senhor Deusũ hatu kupishu uĩshũ hatũ mekenika Senhor Deus kẽwaĩ haki mesekĩ hawẽ tsuma Moiséskiri mesekĩ ha dabetũ hãtxa Israelĩ enabũ ikũhairawanibukiaki.

Êxodo 19:16

shaba dabe inũ besti penaya nai anua tĩ ikaĩkaini kana baka baka ikaya mati mamaki kuĩ meshu mayai anua hui txashuwã mashũ puri akĩ txaipa waya nĩkai hatũ tari hiwe anua yura dasibibu datei saki saki ikaibũ

Êxodo 20:21

benãta mesteã mapuyuabũ Moisés ana mapekei nai kuĩ meshupa anu ka Deuski nukunikiaki.

Êxodo 34:5

hanua nai kuĩwẽ Senhor Deus bututã Moisésbe nitã ha bebũ daĩbaĩkĩ Moisés hui kushipawẽ hawẽ kena kayabis yuikĩ: —Earã, Senhor Deus Hamebi Hiwemis ẽ eaki! Ẽ nuikipa pepa inũ ẽ hĩ hĩma inũ ẽ txanitxakaisma inũ ẽ nuikipa itamamaki.

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Êxodo 4:5

Senhor Deusũ ana yuikĩ: —Na ẽ mia haska wamashurã, mĩ hatu uĩmaya txanima ẽ miki nukutã mibe hãtxashu mia ikũwãshãkanikiki, earã, ẽ matũ shenipabũ Deuski, Abraão mekenikarã, Isaque mekenikarã, Jacó mekenikarã—

Números 12:5

nai kuĩ butuawẽ Senhor Deus ma butua hanu haki nukuti tari hiwe hawẽ beputi bebũ nishũ Arão inũ Miriã hatu kena ha dabe beabu

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Marcos 9:7

hanua samama nai kuĩ bekĩ hatu bepuaya nai anua hui tashnikĩ yuikĩ: —Narã, ẽ bakeki. Ẽ abuhairaii. Nĩkairakubaĩkãwẽ— hatu waya

Lucas 10:16

habũ txibaĩbu betsabu yuikĩ: —Tsuabura ẽ hãtxa mã hatu yusĩayã matu nĩkakĩ eari nĩkashãkanikiki. Hamẽ tsuabũra matũ hãtxa danãkĩ enari danãriashãkanikiki. Ha inũ, ea danãkĩ hatũ ea yununiri danãriashãkanikiki— hatu watã hatu nitxiã bunibukiaki.

Deuteronômio 4:10

hatu ana yuikĩ: “Haria nũ huima anu Mati Horebe dapi Senhor Deus bebũ matũ ibubube mã mapubaunibu ẽ shinaiĩ. Harishũ Senhor Deusũ ea yuikĩ: ‘Israelĩ enabu ea bebũ ea hatu itxawashũwẽ, ẽ hãtxa ẽ hatu yusiaĩ nĩkakĩ tapĩtã hau shaba tibi eki mesekĩ ea kẽwãriakubaĩshanũbunã. Habiaskari wakĩ hatũ bakebu hatu yusĩkĩ hau hatu tapĩmariapakeshanũbunã’, ea wa

Deuteronômio 4:36

Nai anushũ hawẽ huiwẽ matu hãtxa wakĩ mã kaneaibu matu pewakubiraniki. Hanua mai anushũri hawẽ kushipa txi here meranua Senhor Deusũ hãtxa tashniai mã nĩkakubiraniki.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.