Êxodo 17:12 - Kaxinawá Bíblia (BR)

¹² hanua Moisés ma hĩ ika ana hawẽ pũyã sanãtirumakẽ hawaira mishki ewapa beshũ haki tsaũtã yusmauri Arãonẽ metsuã yusiuri Hurĩ metsũriatã hanua Deusũ kushipa mestẽti hi ha dabetũ Moisés tsumamashũ Moisés sanãmabaikĩ bari hikiriama Moisés hĩ iki pũpanĩriamakẽ

Êxodo 17:12 Referencias Cruzadas

Êxodo 17:11

harishũ hawẽ mestẽti Moisĩ manaũri sanãyã Israelĩ enabũ hatu detekĩ maemaibũ hanua Moisés ma pũshukua huĩrukunũ ika pũpaniãyã Amaleque nawabũ hatu detekĩ maemaibũ

Êxodo 17:13

Moisés haskakẽ Josué hawenabubetã hatũ deteti nupe txaipa kenuhairawẽ detekĩ Amaleque nawabu maemakĩ hatu nitxinibukiaki.

Isaías 35:3

Hanushũ babubu hatu shinã txãkãwãkĩ punu nukabu hatu kushipa wakãwẽ.

2 Coríntios 1:11

Nũ haskamiskẽ nukukiri xinãkĩ merabewakĩ Deusbe hãtxakĩ nuku yukashũkubaĩkãwẽ. Itxapabũ mã nukukiri Deus yukakubainaibũ Deusũ nuku mekekĩ duawaya itxapabũri nukukiri nĩkakĩ Deus kẽhairawatiruburiki.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Filipenses 1:19

mã ea Deus dayashuniwẽ taea tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii. Haskawẽ taeshũ Jesus Cristõ Yushĩnĩ ea merabewakĩ ea kaĩmashanai xinaĩ ẽ benimakũkainaii.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

1 Tesalonicenses 5:25

Ẽ betsabu inũ ẽ puibuũ, hau nukuri merabewanũ nuku hakimama Deus nuku yukashũkubaĩkãwẽ.

Hebreus 12:12

Deusũ pewati yusĩa bikabiakẽ ana mesteĩ kuxipakĩ ana Deus kẽwaĩ matũ mekẽ mexãtã dãti ishũ kẽwãkĩ heneyamakubaĩkãwẽ.

Santiago 1:6

Haska Deusbe hãtxakĩ yukakinã, txanima ikũ besti wakĩ akubaĩkãwẽ: “Ea inãtirumẽkaĩ”, ikĩ xinã dabewama akinã. Hamẽ mã xinã dabewẽ xinãkĩ mã ea akairã, iãnẽwã niwẽ betxuruwãkĩ tũkash abubumis keska wakĩ mã akawaii.

Josué 8:26

Ai anuabu yamawakĩ keyuriabuma hawẽ hashi Josué sanãbainaya