Êxodo 16:8 - Kaxinawá Bíblia (BR)

⁸ Moisĩ ana hatu yuikĩ: —Mã Senhor Deus yuaĩ nĩkashũ mã pinũbũ bari kaya nami matu inã mã yani wanũbũ penaya misi itxapari matu inãriashanikiki. Mã nukuki ha ibiaya nukurã, nũ hawamaki. Hakia nukuki ha ikama nukũ mekenika Senhor Deuski mã ha ikaii— hatu watã

Êxodo 16:8 Referencias Cruzadas

Êxodo 16:12

—Israelĩ enabũ ha ikaibu hatũ hãtxa ẽ nĩkashuki. “Bari kaya mã nami piaii. Hanua penaya misi pikĩ yanihaira watã ẽ earã, ‘Ẽ matũ mekenika Senhor Deus’, mã unãhairashanaii”, akĩ ea hatu yuishũwẽ— aka habias hãtxari Moisĩ hatu yuiaya

Êxodo 16:9

hanushũ hawẽ betsa Arãori Moisĩ yuikĩ: —Israelĩ enabu dasibi eska hatu yuiwe: “Matũ ha iti hãtxa matu nĩkaiwẽ taea ha kuĩ nai anua butua anu Senhor Deus bebũ itxakãwẽ”, akĩ hatu ea yuishũwẽ— akaya

Êxodo 17:2

ana Moiséski ha ikĩ yuikĩ: —Ũpash nuku inãriwe, nũ anunã— akãwãbu Moisĩ hatu yuikĩ: —Haskai mã eki ha ikai? Haskakĩ Senhor nukũ mekenika Deus mã unãti wai?— hatu wa

Isaías 32:6

Yurabu atimapai daya peisma hawẽ beyawẽ taea haska hãtxamis heneama inũ, haska txakabu shinaĩ keska yubakatã heneama akubaĩmisbuki. Txakabu besti kaĩmatã hiwenũ ika hamapai atimapati benakubaini Senhor Deuskiri hãtxa txakabu yui txanitxakamisbuki. Habunã, bunibiranaibu hawa hatu inãma inũ ũpash manubiranaibu hatu amakĩ pewatã hatu nitxĩsbumaki, hatu nuitapawakinã.

Números 11:18

Minabu eskaibu ẽ nĩkaii. Pĩtsihairai kashakubirãkĩ yuikĩ: “Egito anushũ nami pikubaini nũ pe hiweimaki. Hakia nenu nũ huima tsuã nuku nami inãmaki, nũ pinũbunã”, ikaibu ẽ Senhor Deusũ ma ẽ hatu nĩkawẽ taeshũ meshukiri ẽ hatu nami inãshanaii. Haskawẽ taeshũ hatu yunuwe, hau hatũ txakabu henei shinã betsai nashinũbunã, meshukiri nami ẽ hatu inã pikatsirã.

Números 14:27

—Hatiã ea nĩkashanaibu teneshũ hatu manakubaĩpa, ea yuaĩ eki ha ikaibu ẽ nĩkashuwẽ taea ha Israelĩ enabu txakabu yuananaĩ hãtxawaĩburã?

Números 21:7

hatiri isĩ tenei Moisés anu itxashũ yuikĩ: —Senhor Deus inũ mia itxai nũ kanehairashinaki. Dunu hau nitxinũ Senhor Deus nuku yuishũwẽ— akabu Moisĩ hatu yukashuna

Mateus 10:40

ana nuku yuikĩ: —Haska inũ, ẽ matu nitxiã mã kakẽ tsuãra matũ hãtxa nĩkakĩ matu beya wakĩ eari beya wakĩ haibu washãkanikiki. Tsuabũra ea haibu wakĩ hatũ ea yununiri haibu wariashãkanikiki, hawẽ hãtxa nĩkakinã.

Mateus 9:4

tsuã Jesus yuiamabia hatũ xinã unãkĩ Jesusũ hatu yukakĩ: —Matunã, haskakĩ mã xinã txakai ikai?

Lucas 10:16

habũ txibaĩbu betsabu yuikĩ: —Tsuabura ẽ hãtxa mã hatu yusĩayã matu nĩkakĩ eari nĩkashãkanikiki. Hamẽ tsuabũra matũ hãtxa danãkĩ enari danãriashãkanikiki. Ha inũ, ea danãkĩ hatũ ea yununiri danãriashãkanikiki— hatu watã hatu nitxiã bunibukiaki.

João 13:20

Txanima tsuara ẽ kenaya ẽ yunua ka habũ hatũ hãtxa nĩkakĩ ikũwãkĩ hatu duawakĩ eari habiaskari wakĩ hatũ ea yununiri habiaskari washãkanikiki— nuku wai

Romanos 13:2

Ha inũ, Deusũ hawẽ xinãnẽ tsuara katukĩ kuxipa wakĩ yunukĩ hatu shanẽ ibu wabiakẽ tsuabũra habũ hatũ shanẽ ibu yunua danãkĩ txibãkatsi ikabumawẽ taeshũ hatũ shanẽ ibũ hatu kupimashanikiki.

1 Coríntios 10:10

Ha inũ, hatiritũ Moisés inũ Arão hune haki ha ikĩ yuaĩbuwẽ taeshũ nai tsuma Deusũ hatu tenãmanikiaki. Haskanibu keskakĩ Deusri shabakabi haki ha ikĩ yuãyamakubainãkãwẽ.

1 Tesalonicenses 4:8

Hanushũ tsuabũra na yusĩa danãkĩ hunĩ yusĩa danãma hakia Deusũ hawẽ Yushĩ Pepa matu inãmis danãkanikiki.

1 Samuel 8:7

kemakĩ Samuel yuikĩ: “Hamapai tibi minabũ mia yukaibu hatu ashũwẽ. Hatu mekei ẽ ana hatu shanẽ ibushũyamanũ mia danãma hakia ea habũ danaĩ ikanikiki.