Êxodo 16:32 - Kaxinawá Bíblia (BR)

³² Txipu Moisĩ ana hatu yuikĩ: —Senhor Deusũ yunuti matu yuinũ ea nĩkakãwẽ. “Egito anua matu iweshũ nenu hanu tsua hiweabuma anushũ misi ẽ matu pimaima matunabu pakubaĩkĩ hau uĩkubaĩshanũbũ ha piti maná bishtu litro dabe mata watã hatu arushũkubaĩkãwẽ”, akĩ ea yuishinaki— iwanã,

Êxodo 16:32 Referencias Cruzadas

Êxodo 16:16

Senhor Deusũ ea yuishina matu yuinũ ea nĩkakãwẽ. Bari tibi hati mã pitirubu hiwe ibu tibitũ hau itxawakubaĩshanũbũwẽ. Matũ hiwe tibi anua hati yurabu tanatã matube hiweabuti 2 litro yura tibituna itxawakĩ bishũkubaĩkãwẽ— hatu wa

Êxodo 16:31

Narã, nai anua misi piti Israelĩ enabũ yuikĩ: “Manáki”, akĩ kenapaunibukiaki, heshe hushupa coentro bimi keskarã, hawẽ nis buna batapa kapã keskarã.

Êxodo 16:33

hawẽ betsa Arão yuikĩ: —Haki aruti kẽti beputiya bishũ nai anua misi litro dabe mata washũ haki aruti kẽti merã naneshũ beputã nukunabu pakubaĩkĩ hau uĩkubaĩshanũbũ Senhor Deus bebũ hawẽ hatube yubakani hãtxa aruni bau merã tsaũwẽ, nukunabũ hau hatu arushũkubaĩshanũbunã— aka

Jeremias 7:23

hau ea dukũ nĩkakubaĩshanũbũ ẽ hatu yunukĩ taewaniki. Haska ẽ hatu yunua akubainaibu enabu hatu watã hatũ mekenika Deus ẽ ikũkaĩshanaii”, iwanã, “ẽ hatu yuiniki, hau habu ea hiwei peshũkubaĩshanũbunã.

Lucas 22:19

Páscoa piti hawẽ henekĩ hatu pima keyutã hanushũ xinãmati bena wakĩ misi betsa bishũ Deus kẽwãtã namakis tũketã hatu inãkĩ yuikĩ: —Na misirã, ẽ matu mawashũshanai xinãti ẽ yura keskaki. Ea xinãbetanã mã pishanai ikis pikĩ taewakãwẽ— hatu wa

Hebreus 2:1

Deusũ bakẽ nai tsumabu binuatũ hamebi hatu yusĩni haskakiri hãtxa nũ nĩkanirã, ana hakiri nĩkahairakubainãkãwẽ, ha henetã bai betsawẽ nũ buyamanũbunã.

Hebreus 9:4

Ha dĩtu meranã, habianushũri hakishũ inĩti kuati ouro mane txi tapu fogão hayaniki. Ha inũ, hawẽ Deusũ yubani hãtxa aruti bau meribihaira ouro haswẽ dasibi bepukĩ keyua hayanikiaki. Ha merã ouro mane xumuki hanu tsua hiweabumanushũ Deusũ hatu inãkĩ hatu pimapauni maná duru inũ, Arãonẽ mestẽti dami hukuĩ huani hi inũ, mixki ture sapa dabeki Deusũ yunuti inũ hawẽ nemati 10 hãtxa keneni hati hayanikiaki.