Êxodo 15:2 - Kaxinawá Bíblia (BR)

² Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Êxodo 15:2 Referencias Cruzadas

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Gênesis 49:18

hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã

2 Samuel 7:5

—Ẽ tsuma Davi anu kashũ hãtxa wakĩ: “Eska Senhor Deusũ mikiri ea yuikĩ Davi ea yuishũwẽ: ‘Ea ẽ hanu hiweshanũ miã mĩ ea kẽwãti hiwe ashũtirumaki, ẽ hanu hiweshanunã.

Salmos 22:10

Ẽ ibu anua ẽ kaĩriamatiã ea mekekĩ mĩ taewaniki. Ẽ ibuã pustu meranua mĩ ẽ Deus ini heneama mia besti mĩ ipakeaii.

Salmos 22:3

Hakia miarã, meribi hawa txakabu mĩ hayamaki. Mĩ hatu shanẽ ibushuna Israelĩ enabũ mia kẽwãkubaĩkanikiki.

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 34:3

Senhor Deusũ kena ewapawai hui kushipawẽ ebetã kẽwãkãwẽ.

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Êxodo 4:22

Haska wakĩ Faraónẽ hatu nemaya Faraó ea yuishũkĩ: —Senhor Deus Hamebi Hiwemistũ mia ea yuimaikiki. Nĩkawe. Israelĩ enabu ẽ huni bake iyua keskabuki, ẽ betxipaihairairã, akĩ ea yuishũshãwẽ.

Êxodo 40:34

hawaira hanu haki nukuti tari hiwe anu nai kuĩwẽ bututã Senhor Deus hawẽ kushipawẽ txasha txasha ikĩ tari hiwe merã matahaira wakẽ

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Habacuque 3:13

Hatũ shanẽ ibuhaira miã ibubis mĩ katuni inũ, minabu merabewanũ ika tashnikirãkĩ huni txakabubũ hiwe berãkĩ yamawakĩ hanua tsuãra hiwe wakatsi ha dukũ mishki buyakĩ taewai habu miki sinataibu mĩ hatu yamawãshanaii, kini besti hatu henekinã.

Lucas 1:77

hau hawenabũ hatũ txakabuwẽ taea Deuski mesekĩ hatũ xinã txakabu henetã Deus buamatã hau meketi hiwea hatu inãshanunã.

Lucas 2:30

Na bakewẽ yurabu pashawakĩ mĩ mekeshanai ẽ ma uĩaiĩ,

João 4:22

Hakia unãriamabia Epa Deus mã kẽwãmiski. Hamẽ nũ judeubu anu Deus merabenã hushanaiwẽ taeshũ unãkĩ kaneama nũ Deus kẽwã kayabimiski.

Hechos 4:12

Ha inũ, hawa tsua betsawẽ nũ meketi hayamakiaki. Mai hirabi anushũ hawa huni betsawẽ Deusũ hawẽ nuku mekekĩ pashawati hayamarikiaki— hatu wa

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

Efésios 2:22

Ha dikabi maturã, Deusũ Yushĩ Pepa mã haya Cristoki dasiarã, mã hawẽ kẽwãti Templo keska Deus matube hiweikiki.

Filipenses 2:11

dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Colosenses 2:9

Cristorã, Deusuna hasbia nukũ yura keskatã na mai anu uĩti xarai tashnikiraniki.

Apocalipse 15:3

Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Apocalipse 19:1

hanushũ ẽ nĩkaya nai anua tsuara mirimabũ yuikĩ: “Aleluya! Nukũ mekenika Deus nũ kẽwaiĩ. Duapa kuxipahairatũ nũ hawenabu nuku mekepakeshanikiki.

Juízes 5:21

Pashku Quisom detenamenikabu dasibi hatu tsispubaĩkĩ kushibaĩkĩ bukĩ hatu yamawashinaki. Hatu haska washĩkẽ hawa punu nukai txĩtuãma ikubainãkãwẽ!