Êxodo 15:16 - Kaxinawá Bíblia (BR)

¹⁶ Ẽ Shanẽ Ibu Senhor Deusuũ, Egito nawabu kushipa anua mebĩtã mina wakĩ mĩ nuku iweaya nũ hatu daĩbaĩkĩ keyuriama mĩ kushipawẽ datei mishki keskai hawa tukuama hau pes manishanũbũwẽ!

Êxodo 15:16 Referencias Cruzadas

Gênesis 35:5

hatu haska wamabaini tashnibainaibũ mae tibi anua Deusũ hatu datemabaunaiwẽ taeshũ Jacó hawenabube detekatsi ibiai datekĩ hawẽ bakebube txibãma inibukiaki.

2 Samuel 7:23

Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

Êxodo 11:7

Hakia minabukiri inũ Israelĩ enabukiri Senhor Deusũ haskas shinãma mã unãshanũ Israelĩ enabu inũ hatũ inabu uĩ hau hatũ kamanẽ hau hau ayamanũbũ matũ kamã dasibi Senhor Deusũ hatu nemashanikiki.

Êxodo 15:13

Nukunabu hatu detepanãbũ mĩ nuikipawẽ nuku duawakĩ mekeshũ mĩ hatu nuku nemashũshuki. Egito detenamenikabu anua mĩ nuku hatu mebĩshũ mĩ kushipawẽ mĩ nuku yunuaii, unanuma mĩ hiwe meribi anu iyukinã.

Êxodo 15:5

Mishki keskai hene nuahaira merã Faraónẽ detenamenikabu ibubis pukuaibũ ianẽwanẽ hatu atxishuki.

Êxodo 15:6

Ẽ Shanẽ Ibu Senhor Deusuũ, mĩ pũyã yusiuri kushipahairawẽ miki sinataibu mĩ hatu binumakĩ keyumiski.

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

Isaías 63:12

Hatũ hawẽ kushipa pehairawẽ Moisés mekekubainirã, hanimẽ? Hawẽ taea hawẽ kena pepa hakimatimawakĩ Ianẽwã Tashipa nukunabu pashkashunirã, hanimẽ?’ ikaibũ

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Josué 2:9

—Na mai pakea Senhor Deusũ matu ibu wamaikiki, ẽ unanã. Dasibi nenu hiweabu nũ datei keyuaii, matuwẽ taearã.

Josué 4:24

Deusũ matu haska washuniwẽ taeshũ mai hirabi anu hiwebaunabũ matũ mekenika Senhor Deusũ kushipa unãshãkanikiki. Haskawẽ taeshũ matũ mekenika Senhor Deus duawakubaĩshãkãwẽ, heneamarã”, hatu wanikiaki.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 Samuel 2:9

Hawẽ kushipawẽ tsuã ibubis binutirubumawẽ taeshũ hawẽ hãtxa txibaĩ txĩtuĩsbuma Senhor Deusũ hatu mekekubaĩmiski. Hakia tsuara txakabukĩ nĩkaisbuma hatũ txakabuwẽ mawakubaĩmisbuki, meshu meranua debua keskairã.