Êxodo 15:14 - Kaxinawá Bíblia (BR)

¹⁴ Haska mĩ amis nĩkai nawa betsa betsapabu datehairashãkanikiki. Filisteu nawabu datei saki saki ikaibũ

Êxodo 15:14 Referencias Cruzadas

Habacuque 3:6

Deus hui haskakirani niti ikaya dasibi mai patxa sakui saki saki ikaya ha mati matipa inũ mawa keyatapa ikibi ini purekeai nũ uĩsmabia purekei keyubiranaya haskai nawa betsa betsapabũ uĩ datehairai saki saki ikubaĩkanikiki. Hakia Deus haskakũkirani hawẽ hiwea ikibi ika hawa beshtekeamaki’, iki nũ mikiri kãtakũkainaii.

Habacuque 3:7

Cusã anu hiweabu ana haskatima dakei bika tenehairaibu inũ Midiã anu hiweaburi haburi datehairaibu ẽ hatu uĩmaki.

Números 14:14

Haska mĩ ea dama yuishu mĩ hatu akaya Egito nawabũ nĩkatã Canaã mai pakea hirabi anu hiwebaunabũri nĩkariashãkanikiki. Habianuri eska mikiri ma mia nĩkaimabuki. Senhor Deus na yurabu hatube kakĩ hatu beismakĩ mĩ hatu kupiama ikimaki. Nai kuĩ merã mĩ hatu bebũ kai inũ hanua meshu merã nai kuĩ dami txi here merã mĩ hatu bebũri hukĩ iwekubiranaii.

Números 22:5

hawẽ hãtxa bushunikabu betsabu katushũ shanẽ ibuhaira Balaquẽ hatu yuikĩ: —Haska Beorĩ bake Balaão mã ea yuishũtanũ eska matu yuinũ ea nĩkakãwẽ: “Nukũ shanẽ ibuhaira Balaquẽ hãtxa mia yuinũ nuku nĩkawe. Egito anua nawa betsabu beimashũ ẽ mai hirabi atxikĩ ea bebũ hatũ tari hiwe mirima ma pũtebaũshinabuki. Mikiri ẽ nĩkamis: ‘Mĩ shũ ika kushipayakiaki. Tsuabura duawakĩ mĩ hãtxa pe yuia pemisbukiaki. Ha inũ, tsuabura shũ akĩ mĩ hatu yupuaya mia dabãmisbukiaki.’ Hawairakirã ea hatu yupukĩ shũ ashũriyuwe. Mĩ hatu haska waya hatu detekĩ ẽ mae anua ẽ hatu nitxĩshanimẽkaĩ. Ẽ mia kenai ea merabewai huwe”— hatu akĩ henewã Eufrates dapi nawabu mae betsa Petor anu Beorĩ bake Balaão anu Balaquẽ hatu yunua

Josué 2:11

Mã haskakubiranai nĩkai nukũ huĩti nishma matu tsuã binutirumawẽ taea tsua nũ ana shinã txãkãbumaki. Matũ mekenika Senhor Deusũ hamapai nai anu inũ hamapai mai anu mekenika menã datã akĩ na habiatiã ea yubarikãwẽ. Ẽ matuki txanitxakama arukĩ duawashũwẽ taeshũ ẽ epã enabu mã duawashanũ Senhor Deusũ kenawẽ ea yubakãwẽ.

1 Samuel 4:7

datekĩ habũ yuikĩ: “Hatũ mae anua haskaisbumabia hatũ mekenika Deus kushipa ma beabuki. Ikis hatuki datei nũ pemahairaki.

1 Samuel 4:8

Nũ peirawa! Ha mekenika Deus kushipa dasibi binuhairatũ hau nuku atxiyamanũ tsuã ha nuku mepãmashũtirumẽ? Nũ nuitapahairaii. Hawẽ kupiti dami kushipawẽ ha Deusũ Egito nawa detenamenikabu yamawanikiaki.