Êxodo 15:11 - Kaxinawá Bíblia (BR)

¹¹ Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 15:11 Referencias Cruzadas

2 Samuel 7:22

Haska nuku dasibibũ nũ nĩkamis inũ nũ uĩmisrã, hawa mekenika Deus betsa mia binua betsa hayamaki, mia keskarã. Haskawẽ taea ẽ mekenika Senhor Deusuũ, miarã, mĩ pepahairaki, tsuã haska watiruma mĩ nuku ashũmisrã.

Salmos 22:23

Dasibibũ mã Senhor Deus duawamisbuũ, matũ huiwẽ kẽwãkãwẽ. Dasibi Jacó enabuũ, Senhor Deus pepawakĩ ewapawakãwẽ. Dasibi Israelĩ enabuũ, Senhor Deuski mesekĩ kẽwãkãwẽ.

Êxodo 20:3

Haskakẽ hamapai yushĩ betsa betsapa duawakĩ kẽwãyamakubaĩshãkãwẽ, ea besti ẽ matũ Senhor Deuskirã.

Êxodo 3:20

Hawenabu ẽ kushipa hatu uĩmakĩ itxapabu hatu tenãkĩ ẽ hatu betsa betsapawẽ date date akubaina hatũ mae pakeanushũ ẽ haska waiwẽ taeshũ datekĩ txipu shanẽ ibu Faraónẽ matu nemama heneshanikiki.

Êxodo 8:10

Faraónẽ kemakĩ: —Habia meshukiri ea ashũwẽ— hatu wa Moisĩ yuikĩ: —Peki. Ẽ mia ashuĩ kaii. Nukũ mekenika Senhor Deus tsua keska hayama mĩ uĩshanaii.

Êxodo 8:6

Senhor Deusũ hãtxa Moisĩ Arão ma yuikẽ hatũ hene dasibi bemaki hawẽ mestẽti Arãonẽ tsumashũ sanãbaunaya hene dasibi anua heu mirimahaira kaĩbirani bekĩ Egito nawabu hiwebaunabu anu matai keyuaibũ

Êxodo 9:14

Mĩ ana hatu bashiaya na habiatiãri dasibi hawẽ kupiti mia anu inũ, mĩ merabewanika shanẽ ibubu anu inũ, minabu dasibi anu ẽ yunuaiwẽ taeshũ mai hirabi anu yushĩ kushipahaira tsua ea keska betsa hayama mĩ unãshanaii.

Isaías 30:11

Nenu ana mapuama nuku dapashkarikãwẽ, Deusũ bai kayabi meshtebainirã. Israelĩ enabũ Deus meribi bebũ ana nuku nitxĩyamakãwẽ”, ikaibũ

Isaías 40:18

Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Isaías 40:25

Deus meribitũ hunibu yukakĩ: Matubunã, ẽ tsua keska mã ea shinaĩ? Tsua ea keska itirumẽ?

Isaías 46:9

Matũ shenipabu ikubiraniburã, haskakiriri shinãkãwẽ. Ea besti ẽ Deus kayabiki, betsa hayamarã. Ẽ habia Deuski, tsua betsa ẽ kushipa keska hayamarã.

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Lucas 12:5

Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

Apocalipse 13:4

habiatiãri yuxibu sheanãtũ hawẽ kuxipa ha yuinaka mese atimapahaira inãwẽ taeshũ dasibibũ kẽwãkĩ ha dikabi yuinaka mese atimapa kẽwãkĩ yuikĩ: “Na yuinaka atimapa keska tsua hayamaki. Tsua habe detenamekĩ maematirumaki. Pehairaki”, ikaibũ

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

Apocalipse 4:8

hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ

1 Samuel 2:2

Senhor Deusuũ, tsua meribi mia keska hayamaki. Nukũ mekenika Deusuũ, mĩ nuku mekemis keska tsua hayamaki. Tsuã mia binua ana betsa hayamahairaki.