Êxodo 14:17 - Kaxinawá Bíblia (BR)

¹⁷ Hakia eanã, hatu uĩmakĩ hau matu txibaĩ ianẽwã namakis hikibainũbũ Egito nawabu hatu nĩkaisma huĩti kushi washũ Faraó inũ, hawẽ detenamenikabu inũ, hatũ cavalo tarãti inũ, habu cavaloki katsaũmeabu dasibi yamawakĩ yura dasibi ẽ kushipa ẽ hatu uĩmashanaii, hau hakimama shinãkubaĩshanũbunã.

Êxodo 14:17 Referencias Cruzadas

Gênesis 50:9

habiatiãri cavalo tarãtiyaki yura mirima inũ cavaloki katsaumeabu yurã kaiã mirimabũ José txibaĩ bui

Gênesis 6:17

Mĩ ma haska wakĩ keyukẽ ẽ hene tueaya yurabu dasibi mai hirabi hiwebaunabu atxi keyua henẽ hasai debui keyushãkanikiki.

Êxodo 14:23

haska washũ Senhor Deusũ ana hatu nemama Israelĩ enabu pukei keyuaibũ Faraónẽ hatu uĩtã hatu yunua hawẽ detenamenikabu cavalo katsaumeabu inũ cavalo hawẽ tarãbaĩtiki mapubainaibu dasibitũ habũ atxitanũ ika buaibu hau hene haki dasiwakĩ namakis hikikaĩkĩ hatu txibaĩ pukebaini ianẽwã namakis anu buaibu penaya txi here buru tsaua inũ nai kuĩ kayãbis merãshũ Egito nawa detenamenikabu hatu uĩkĩ hatũ cavalo tarãbaĩti tae txakabuwakĩ hani katiruma wakĩ hatu bika tenemakĩ Senhor Deusũ hatu itxakawaya Egito nawa detenamenikabu yuinamei: —Hatũ mekenika yushĩ Senhor Deusũ nuku itxakawaikiki. Txĩtuĩ pasharinãkãwẽ— ikaibũ

Êxodo 14:4

Hanushũ ana Faraó ẽ nĩkaisma wakẽ patapakĩ matu ana atxinũ ishũ hawẽ detenamenikabubetã Faraónẽ matu txibãshanikiki. Matu haska waya Faraó inũ hawẽ detenamenikabu ẽ hatu yamawaiwẽ taeshũ ‘Earã, ẽ Senhor Deus emebi ẽ hiwearã’, hawenabu Egito nawabũ ea hanu unãkayabishãkanikiki”, akĩ hatu unãmashũ Senhor Deusũ hatu yunua Israelĩ enabu txĩtũbiranaibũ

Êxodo 14:8

Senhor Deusũ Faraó nĩkaismakĩ huĩti kushiwatã hanua Israelĩ enabu pashaibu Senhor Deusũ hatu kushipawaya kaĩbaĩshinabu Faraónẽ shinãma hatu atxikatsis ikaya

Êxodo 4:21

txipu Senhor Deusũ Moisés ana yuikĩ: —Egito anu mĩ ma hikia hatu dateti dami ẽ mia amashina keska hakimama na habias dami ana akĩ Egito shanẽ ibu Faraó uĩmashãwẽ. Mĩ haska washũbia hawẽ huĩti kushi wakĩ nĩkaisma ẽ wakẽ Egito anua Israelĩ enabu hawaira Faraónẽ hatu nitxĩkĩ heneama ikũkaĩshanikiki.

Êxodo 4:23

Israelbu bushũ hau ea kẽwãtanũbũ mĩ hatu nemashinaki. Mĩ hatu nemakubaĩmiswẽ taeshũ mĩ huni bake iyua mĩ betxipaihairarã, ẽ tenãshanaii— akĩ na habias hãtxa Faraónẽ mĩ betsa Arão ea yuimashũshãwẽ— aka

Êxodo 7:3

Hakia hawẽ huĩti kushi wakĩ nĩkaisma watã ẽ kushipa hawẽ unãmati dami betsa betsapa inũ hawẽ e imati itxapa sharabu ẽ matu amashanaii, Egito mai pakea hirabi anushunã.

Romanos 9:18

kenenirã, yura betsabu Faraó ani keska wakĩ habu ha keskabuwẽ nuiama Deusũ hatu besu kuxi wakĩ huĩti nĩkaisma wakatsis ikĩ hatu haska wamiski. Hanua haraturawẽ Deus nuikatsis iki hatuwẽ nuimiski, abukinã.

Juízes 4:7

Mati Tabor dapi pashku Quisom napaku anushũ mia detekĩ atxinũ ika Canaã nawa shanẽ ibu Jabimnẽ hawẽ detenamenikabu shanẽ ibu Sísera hatũ cavalo tarãti detenamenikabu hawẽ mapuabu inũ hawẽ detenamenikabu maĩ mapuabuyabi hau mianu benũbũ ẽ mia hatu meshui ashanaii. Hakia matube detenameaibu mã hatu maemashanaii”, akĩ mikiri ea yuimashinaki— aka

1 Samuel 6:6

Israelĩ enabu Egito anua tashnibaĩpanãbũ Faraó inũ hawenabu huĩti kushikĩ hatu nemakubainaiwẽ taeshũ Israelĩ enabu mekenika Deusũ hatu kupihairaya atimas ana hatu nemama ini keskai matũ huĩti kushi wayamakãwẽ.