Êxodo 12:17 - Kaxinawá Bíblia (BR)

¹⁷ Egito anua ẽ matu kaĩmabainaiwẽ taeshũ ha misi shashama besitiã piti watã hau pipashanũbũwẽ. Matũ bakebu inũ matũ bababu pahairakubaĩkĩ na habias Páscoa besi hakimama ano tibi hau besikubaĩshanũbũ ẽ yunuti hãtxa ẽ matu mestẽwãmaii, pakĩ hatũ epa tibitũ hawẽ bakebu hau hatu yusĩpakeshanũbunã.

Êxodo 12:17 Referencias Cruzadas

Êxodo 12:14

Hamebi hiwemis Senhor Deus ẽ eaki. Ẽ hãtxa ikũwãkĩ ẽ yunuti shinãkĩ ano tibi na ushe 14 shabatiã ea kẽwaĩ besikĩ pikĩ heneyamakubaĩshãkãwẽ. Matũ bakebu inũ matũ bababu pahairai ano tibi habias ushe habiatiãri hawa hakimama habũri ea kẽwaĩ hau hanu besipakeshanũbũwẽ, heneamarã.

Êxodo 12:24

Matu inũ matũ bakebu inũ matũ bababu pahairakĩ na yunuti hãtxa ikibi ini shinãkĩ Senhor Deus kẽwaĩ mã besikũkaĩshanaii, bari tibi hakimamarã.

Êxodo 12:6

Bitã mekekubaĩkĩ ushe shaba 14tiã hati shabatiã ma bari hikiaya meshuriamakẽ habiatiãri hiwe ibu tibi dasibibũ ha hatũ piti txashuwã hau tesẽshanũbũwẽ.

Êxodo 34:18

ana hatu yuikĩ: “Haska ẽ matu yunuima hakimama matũ misi shashama pi besikĩ akubaĩshãkãwẽ. Hatiã ha misi shashama mã piairã, ea shinãkĩ 7 shaba akubaĩshãkãwẽ. Ushe Abibe anu Egito anua ẽ matu tashnimabiranimawẽ taeshũ ano tibi ushe Abibetiã apakekubaĩshãkãwẽ, hanu hawẽ unãmatikirã.

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.