Êxodo 12:15 - Kaxinawá Bíblia (BR)

¹⁵ Na habias besi mã akairã, 7 shabatiã misi shashauma pikubaĩshãkãwẽ. Ha besi mã taewaitianã, misi shashawati matũ hiwe anu hayayamashãkãwẽ. Hamẽ ha 7 shaba besitiã tsuãra misi shashawatiya piaiburã, kupikĩ matunabu anua hau hatu nitxĩshanũbũwẽ, hawenabube ana hiwemamarã.

Êxodo 12:15 Referencias Cruzadas

Gênesis 17:14

Hanua tsuara matube hiwea hunĩ hawẽ hina kubitxi meshtekĩ biamakẽ hau hanu matube hiweyamanũbũ hatu nitxĩshãkãwẽ, ẽ matube yubakani akĩ txibãmakenã— atã

Esdras 6:22

Israelĩ enabu mekenika Deus kẽwãti Templo hau bena wanũbũ Pérsia nawa shanẽ ibuhairatũ hatu betxipaikĩ hatu merabewakubainimawẽ taea Judá enabu benimahairakĩ 7 shaba binui ana ha katxu besikĩ misi shashawatiuma ashĩshũ benimakĩ pikubainibukiaki.

Êxodo 12:8

Ha habias meshutiã hiwe tibi anushũ txashuwã bake hiki keũshũ shuishũ pikĩ misi shashama inũ mibã betsa muka husia hau naishanũbũwẽ.

Êxodo 34:18

ana hatu yuikĩ: “Haska ẽ matu yunuima hakimama matũ misi shashama pi besikĩ akubaĩshãkãwẽ. Hatiã ha misi shashama mã piairã, ea shinãkĩ 7 shaba akubaĩshãkãwẽ. Ushe Abibe anu Egito anua ẽ matu tashnimabiranimawẽ taeshũ ano tibi ushe Abibetiã apakekubaĩshãkãwẽ, hanu hawẽ unãmatikirã.

Êxodo 34:25

Ea duawakĩ benimawanũ, iwanã, matũ inabu ea kuashũkinã, hawẽ himi bishũ misi shashayabi hawẽ himi husitã ea inãkuĩyamashãkãwẽ. Páscoatiã Egito anushũ matũ hiwe tibi ẽ detenika nai tsumã dũkebaini shinãkĩ txashuwã hiki keũshũ shuitã pikĩ keyukĩ meshukiri pikatsi teshe mekeyamakubaĩshãkãwẽ.

Malaquias 2:12

Ha nukunabu haskai hiweshũ txakabuaiburã, tsuabũra haska txakabuwakubainaibuwẽ taeshũ hamamaki hau Senhor Deus dasibi binua ewẽ nuinũ ishũ hawẽ inãkuĩwẽ Senhor Deus daewanũ ishũ ina tesẽshũ hatu menumashũbiaibũ habu kupikĩ nukunabu nukũ mai pakea anua Senhor Deusũ hau hatu yamawakĩ keyushanũwẽ.

Mateus 16:12

hanushũ fariseubu inũ saduceubũ misi shashawatikiri yuikĩ habũ yusĩkĩ kanemisbukiri nuku nemashu atimas tapĩtã nũ xinãkubainiki.

Lucas 12:1

Hanushũ Jesus haska waibũ ana mirimahaira haki itxabu hani ni peshũ nĩkatirubumabia nĩkaibũ Jesusũ haki txiti ikabus dukũ yusĩ taewakĩ yuikĩ: —Fariseubu yusĩnanaĩ beparamemisbu misi shasha wati keskabuki. Hatũ yusĩa matuki hikitã matu kanematiruki. Hatũ yusĩa uĩrakãwẽ.

Lucas 2:43

hawẽ ibubu besi keyutã hawẽ mae anu hatube hiwemisbube José inũ Maria txĩtũbiranaibũ hanu Jerusalém anu Jesus besti baxikua ibuã unãma benariama xinãkĩ: “Habe berunãbube huikiki”, itã, José inũ Mariã xinãyabi kai ma shaba hirabi txai bushũ bari kaya Jesus hawenabu anu benakĩ nati atã

Hechos 12:3

haska waibu judeu shanẽ ibubũ uĩkĩ abuxinabũ Herodesĩ unãtã judeubũ misi shashama besikĩ pimisbutiã Pedrori hatu atximashũ

Gálatas 5:12

Haskakẽ judeubũ beya txibãkĩ huni betsabũ hina kubitxi matu binũ, iwanã, yusĩ mapushũ matu bikawaiburã, hatũ hina hirabi hau meshte keyurianũbũwẽ.