Êxodo 10:9 - Kaxinawá Bíblia (BR)

⁹ Moisĩ kemakĩ: —Hawẽ kẽwãti piti pikĩ besikĩ nukũ mekenika yushĩ Senhor Deus nũ kẽkayabiwakatsi ikaiwẽ taeshũ nukũ bake mishtĩbu inũ, nukũ anibubu inũ, yushabubu inũ, nukũ huni bakebu inũ, aĩbu bakebu, inũ nukũ txashuwã inũ, nukũ ina awa dasibi beabaĩkĩ nũ hatu iyu keyukatsis ikaii— aka

Êxodo 10:9 Referencias Cruzadas

Gênesis 50:8

José enabu inũ hawẽ betsabu inũ dasibi hawẽ epã enabu bukĩ Gósen anu hatũ bakebu inũ, hatũ inabu besti bashiyubainaibũ

Êxodo 10:10

sinatakĩ shabakabi Faraónẽ hatu yuikĩ: —Uĩrakãwẽ. Ekiri mã txakabu hatu shinãmanũ ika ikai hau ea ana dayashũyamanũbũ ea hatu henemabaĩkĩ matũ mekenika yushĩbetã matunabu mã hatu pasha wanũ ika ikaii, ea hatu unãti wamakinã. Mã haskabaĩtirubumaki. Matũ mekenika yushĩ mã kẽwãkatsi ikairã, huni ewabus mã hatu iyutirubuki. Buritãkãwẽ— hatu watã habũ Faraó txikishwaibu hau hatu nitxinũbũ hawẽ tsumabu Faraónẽ hatu yunua Moisés inũ Arão nitxĩshunabu

Êxodo 10:26

Haratura yuinaka pepa ikis nũ katubaĩtirubumawẽ taeshũ dasibi nukũ inabu nũ hatu iyuaii. Haraturawẽ nukũ mekenika yushĩ Senhor Deus nũ kẽwãshanai inũ hanu niti itã hanishũra nũ ashanai anu nũ unãriamawẽ taeshũ nenu nukũ inabu bestitxai nũ henebaĩtirumahairaki— akaya

Êxodo 12:32

Haska mã akatsis ishiã matũ txashuwã inũ matũ ina awa dasibi iyui burikãwẽ. Bushũ matũ mekenika yushĩ kẽwãkĩ ea dikabi yukashũkãwẽ— akĩ huĩti nishma punu nukashũ hatu nitxiã

Êxodo 12:37

Habia meshu merã Ramessés anua kaĩkaĩkĩ henebaini Sucotekiri Israelĩ enabu bui aĩbuaibu inũ hatũ bakebu tanama 600.000 huni ewabu huĩti kushi detenametirubu hawenabube maĩ bukĩ

Êxodo 12:38

hatũ inabu itxapahaira iyuaibũ nawa betsa betsapa Egito nawabũ hatu atxiniburi hatube pashariaibũ

Êxodo 3:18

Mĩ hatu haska wa mia nĩka pewashãkanikiki. Haskakẽ Egito shanẽ ibu bena anu hatubetã uĩ kashũ shanẽ ibu yuikĩ: “Hebreubu mekenika Senhor Deus tashnikirã nukuki ma nukushinaki. Haskakẽ nuku heneyuwe, shaba dabe inũ besti ushakaĩ nukũ mekenika Senhor Deus kẽwãkĩ txashuwã itxapa tesẽshũ kuakĩ nũ benimawayui kairã”, akĩ ha shanẽ ibu haska ekiri yuishũtãshãwẽ.

Êxodo 5:1

Shaba betsatiã Egito shanẽ ibu Faraó anu Moisés inũ Arão kai hikishũ Arãonẽ Moisĩ hãtxa yuishũkĩ: —Israelĩ enabu mekenika Senhor Deusũ hãtxa mia yuinũ ea nĩkawe: ‘Hari tsua hiweabuma anushũ hau enabũ ẽ pepa shinaĩ besi nawatanũbũ hatu nemakĩ bashiyamashãwẽ’, akĩ, mia yuikiki— aka

Êxodo 5:3

Moisés hawẽ betsa Arãobetã Faraó ana yuikĩ: —Hebreu nawabũ mekenika Deusũ nuku yuimaki. Haskawẽ taea nukũ mekenika Senhor Deus kẽwanũ ika hari tsua hiweabuma anua shaba dabe inũ besti bui hanu hikitã kẽwãkĩ txashuwã itxapa tesẽshũ nũ kuashanaii. Nũ haska wakĩ kẽwãmakẽ nuku kupikĩ tenãtiruki, isĩ paepa tenemaimẽkaĩ, nukuki sinataibũ nupewẽ nuku detetirubumẽkaĩ— aka

Provérbios 3:9

Hawara dasibi mabu mĩ haya inũ mĩ mibã ha dukũ bimi taeai tsekashũ Senhor Deus duawakĩ ha dukũ inãkĩ hawẽ kẽwãkubaĩshãwẽ.

Efésios 6:4

Bakeyabuũ, maturi yununũ nĩkakãwẽ. Matũ bakebu tapĩmakĩ hau matuki datei sinatayamanũbũ yunutxakayamakĩ nemahairayamakãwẽ. Hakia hiwea tapĩmakĩ Deusũ hãtxa tapĩmakĩ hawẽ yunuti hãtxa inũ hawẽ nemati hãtxa unãmakĩ pe yusĩkĩ haska nukũ Shanẽ Ibũ abumis keskawẽ hatu yumewakubaĩkãwẽ.

Josué 24:15

Hakia Senhor Deus mã duawakatsi ikama haratu yushinĩ hãtxa mã txibãkatsi ikimẽkaĩ, ikis katukãwẽ. Henewã Eufrates ukeri matũ shenipabũ yushĩ betsa betsapa habũ kẽwãpauniburã, habumẽkaĩ. Nenu hiweshũ Amorreu nawabũ yushĩ betsa betsapa habũ kẽwaĩbumẽkaĩ, matũ shinãkãwẽ. Hakia ẽ aĩ inũ ẽ bakebubetanã, Senhor Deus duawakĩ nũ txibãpakeshanaii, heneamarã— hatu waya