Êxodo 10:21 - Kaxinawá Bíblia (BR)

²¹ hanushũ Senhor Deusũ ana Moisés yuikĩ: —Hau ana mapubaũkĩ hamapai sharabu uĩyamanũbũ Egito mai hirabi anu hau meshui keyunũ mĩ mekẽ naiuri sanãwẽ— aka

Êxodo 10:21 Referencias Cruzadas

Jó 5:14

Huni txakabubu bariri mapubiarã, bekũ kai me me akubainaibu meshu bekĩ hatu atxia keskabuki.

Êxodo 7:19

hawẽ betsã haska washanai Moisés besti Senhor Deusũ yuikĩ: —Arãonã, eska wamashãwẽ. Hawẽ mestẽti bitã Egito mai pakea hirabi hene anu hau himi daminũbũ hawẽ mestẽti tsumatã hene dasibi bemaki sanãbaũwẽ. Hatũ henewã inũ, hatũ iã dasibi inũ, hene beshuru ikai anu inũ, ũpash hanua biti mai pukĩkĩ kini wanibu inũ, hatũ ũpash haki manemisbu dasibi anu inũ, hanira Egito nawabu hiwebaunabu anu himi wamashãwẽ, hatũ hi kẽtxa inũ hatũ mishki shumu anurirã, akĩ Arão amashãwẽ— aka

Êxodo 9:22

meshukiri penaya Senhor Deusũ Moisés ana yuikĩ: —Egito mai hirabi anu yurabu inũ hatũ inabu inũ hatũ bai anu mibã sharabuki barush ui hau niri inũ mĩ mekẽ naiuri sanãwẽ— aka

Provérbios 4:19

Hakia hunibu txakabu hiwekubaini meshu merã kai hawa unãma hawaraki huti imisbu keska haska wakĩ txakabuwakĩ kaneaibu tsuã unãbumahairaki.

Mateus 27:45

Hanua bari mananãbibiakẽ bari nuka mexua itsa daka manaibũ ma bari nai putxinĩ dakakẽ bepenakainaya

Marcos 15:33

hanua bari mananãbibiakẽ bari nuka mexua itsa daka manaibũ ma bari nai putxinĩ dakakẽ bepenakainaya habiatiãri Jesusũ hui kuxipawẽ yuikĩ: —Eloí, Eloí, lemá sabactâni?— ikirã huni kuĩ hãtxarã, “Ẽ Deusuũ, ẽ Deusuũ, haskakĩ mĩ ea heneamẽ?” ikaya

Lucas 23:44

hanua bari mananãbibiakẽ bari nuka mexua itsa daka manaibũ ma bari kai nai putxinĩ dakakẽ bepenakainaya Templo merã dĩtu wakĩ ha tariwẽ kebẽnibu hamebi manaũria namakis dis iki keyuaya

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

2 Pedro 2:4

Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.

Apocalipse 8:12

hanushũ nai tsuma ha quartõ hawẽ trombeta txã akaya tsuãra bari inũ ushe inũ bixi habũ txasha kuxipa hatiubukũs watã pake dabe inũ besti habiatiubus wakẽ nai tsumã pakea betsa itxakawakĩ shaba betsa tibi bari nukawakĩ mexu tibi ushe inũ bixi nukawakubainaya