Êxodo 1:7 - Kaxinawá Bíblia (BR)

⁷ hakia Israelĩ bababu pai bake itxapa pawakĩ hatũ mai pakea hatu atxĩ keyui ana patxakayamai kushipai hiwekubaĩkĩ hatũ mae anu hiwei nati ikaibũ

Êxodo 1:7 Referencias Cruzadas

Gênesis 1:20

Haska dayakũkaĩkĩ Deusũ hene yunukĩ: “Habu hene merã hiweabũ dasibi damiwakĩ ha hamẽ imashanũwẽ”, iwanã, “Nai natukã anuari manaũriabu peiyaburi hau nuyabaunũbũwẽ”, ishũ

Gênesis 1:28

hatu duawakĩ yunukĩ yuikĩ: “Matũ bakebu bawakĩ hatu pa wapakeshãkãwẽ. Hiweakeakebaũkĩ mai hirabi anu matuna wakĩ ibu wai shanẽ ibupakeshãkãwẽ, hene anu baka inũ, manaũria peiyabu inũ, yuinaka dasibi maĩ sharaibu dikabi ibu wakinã”, iwanã,

Gênesis 12:2

Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Gênesis 13:16

Ha inũ, eã minabu pakubaini mirimaibu mashiti tsuã tanatiruma keska ẽ hatu washaii. Minabu pakubainaibu tsuã hatu tana keyutiruma inũbarikanikiki.

Gênesis 15:5

ana tashnimabaĩ hemaĩtĩ Abrão iyushũ Senhor Deusũ yuikĩ: —Nai beiskĩ bishi tanawe. Mĩ tana keyutirumaki. Habiatiri minabu pakubaini haskanũbarikanikiki— aka

Gênesis 17:16

Sara duawakĩ ẽ pepawashanaii. Haki ẽ mia huni bake inãshanaii. Hanushũ duawakĩ Sarã bakewẽ shukua betsa betsapabu hawenabu wakĩ ẽ hatu washanaii, shanẽ ibu itxapabu kushipa wakinã— aka

Gênesis 26:22

Hanua ha katxu txai benãta maeimashũ ũpash kini ana hatu benawamakẽ pukĩkĩ ũpashki pesabu ana tsuã hatu kũyã aki sinatamawẽ taea hiwekĩ kenakĩ: “Reobote, Mae Hawama Ibuumaki”, iwanã, “Natiã Senhor Deusũ na mae nuku inã nenua nũ pashanaii”, hatu wa

Gênesis 35:11

Ana yuikĩ: “Earã, ẽ mekenika Deus kushipaki, ẽ kushipawẽ dasibi ẽ hatu binu keyuarã. Ea nĩkawe. Itxapai pashãkãwẽ, minabu bake pawai mirimahairawairã. Mia anua minabu shukua betsa betsapa shanẽ ibu kayabi ishãkanikiki.

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

Gênesis 47:27

Israel hawenabuya Egito anu hiwei buimabu hanu Gósen mae ibu waima hanu hiweyushũ hatũ bakebu pa wai mirimaibũ

Gênesis 9:1

Deusũ Noé inũ hawẽ bakebu duawakĩ yuikĩ eska wanikiaki. “Bake itxapa bawai ana pai mai anu ana iake iakebaũshãkãwẽ, hiwebaunirã”, iwanã ana yuikĩ:

Êxodo 1:12

hatu dayamakĩ hatu bika tenemabiaibũ habiaskabiakẽ ana pahairaibũ hanua Egito nawabu hatuwẽ datehairakĩ

Êxodo 12:37

Habia meshu merã Ramessés anua kaĩkaĩkĩ henebaini Sucotekiri Israelĩ enabu bui aĩbuaibu inũ hatũ bakebu tanama 600.000 huni ewabu huĩti kushi detenametirubu hawenabube maĩ bukĩ

Êxodo 5:5

ana hatu yuikĩ: —Matunabu mirimabũ ea daya txakayamashũbiaibũ haskakĩ mã hatũ daya henemabainũ ika ikai? Burikãwẽ— hatu watã

Hechos 13:17

Habias Yavé Deusũ nukũ shenipabu katunishũ habiatũri Egito anu hatu iwenishũ nawabu keska hiwemakĩ harishũ hatu pahairawa hanu hiwekubainaibũ hanushũ hawẽ kuxipawẽri nawabu nematã ha mai anua hatu tsekabirãkĩ