Êxodo 1:14 - Kaxinawá Bíblia (BR)

¹⁴ hatũ hiwea bikawakĩ hatuki besti txiti itã hatu daya kushipahaira hatu amakĩ ha hiwe wati mai basi husia hatu pewamakĩ betsaburi hatuki sinatabetanã bai anuri hatu dayamakĩ hatu haska wakĩ Israelĩ enabu Egito nawabũ hatu nuitapahairawanibukiaki.

Êxodo 1:14 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

1 Reis 12:14

haska habe yumenishũ yusĩtxakashinabu habias txibãkĩ hatu yuikĩ: —Ẽ epa kushipakũkaini keska earã, kushipahairakĩ ẽ epã matu apauni ẽ matu binumashanaii. Hatũ matu dayamakĩ matu bikahaira tenemabiakubainimakẽ binumakĩ ẽ matu bika tenema txakayamakubaĩshanaii. Kupikĩ bitxiwẽ ẽ epã hatu matu kusha kusha amakubainimaki. Hakia eãri kupikĩ bitxi mane kushipa denetameyawẽ ẽ hatu matu kusha kusha amakubaĩshanaii— hatu wa

Êxodo 1:11

haska hatu yunua txibãkĩ Israelĩ enabu hatu itxakawakĩ hau habũ hatu uĩkĩ hatu dayama txakayamanũbũ hatu yunuabu hatu bika tenemakĩ hatu dayama txakayamakĩ hanu piti aruti maewã dabe Pitom inũ Ramessés Egito shanẽ ibu Israelĩ enabũ hau benishunũbũ hatu yunua ashũkubainaibũ

Êxodo 1:13

Israelĩ enabu ana harakiri kaĩkaĩtima wakĩ hatu escravo tsuma washũ hatu kusha txakayamakĩ

Êxodo 1:15

Hanushũri Egito shanẽ ibuhairatũ bake kaĩmanika dabe Israel aĩbu dabe hatũ kena Sifrá inũ Puárã, ha dabe hatu kenashũ hatu hãtxa wakĩ hatu yuikĩ:

Êxodo 2:23

txipu bari itxapa kakẽ Egito nawa shanẽ ibu ma mawakẽ Egito nawabũ Moisĩ enabu Israelĩ enabu hatu itxakawakubainaibuwẽ taea huĩti nishmahairai kashai hau ea merabewanũ ika Israelĩ enabu nuitapai hatũ Deus ea akaibu Deusũ nĩkatã

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

Êxodo 6:9

habias hãtxa Israelĩ enabu Moisĩ hatu yuibia Egito nawabũ hatu dayama txakayamaiwẽ taea huĩti nishma punu nukahairakĩ Moisĩ hãtxa danãkĩ ana nĩkakatsi ikabumakẽ

Isaías 52:5

Natianã, hatu haska waibu hawa hatukiri ẽ uiaĩ? Enabũ hawa hatu wamabia Babilônia anu hatu iyunishũ hatu itxakawai hatuki kashei keĩ hanis Deusunabu daka hatu wai eki sinatai hãtxai heneabumaki.

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Miquéias 3:3

Enabu hatu itxakawakĩ mã hatu pasha pia keska wamiski. Betsabu hatu atxishũ hawẽ bitxi dashpetã hatũ shau tseka tseka ashũ kẽtiki bawanũ, iwanã, hawẽ nami meshte meshte akĩ enabu hiweabu hatu piai keska wakĩ mã hatu itxakawakubaĩmisbuki.

Números 20:15

Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.

Hechos 7:19

ha shanẽ ibu Faraó benatũ nukũ shenipabu parãkĩ hatu itxakawakĩ hatũ huni bake dama kaĩaĩbu hau tenãnũbũ hatu yunukĩ hatu putamakubainaya

Hechos 7:34

ana yuikĩ: “Enabu Egito anushũ bika tenetxakayamai saĩ iki kashai hawawẽ haskatima ikaibu txanima shabakabi ẽ uĩmis hatu merabewanũ ika ẽ butushuki. Uĩwẽ. Haskawẽ taeshũ Egito anu hari ẽ mia yunukatsis ikaii”, akĩ Deusũ Moisés yuinikiaki.

Deuteronômio 4:20

Senhor Deusũ Egito anua matu mebikinãkirãkĩ matu pashawakinã, hawena wabirãkĩ matu iweniki. Na habiatiã mã hawenabuki.

Rute 1:20

hatũ hãtxa nĩkatã Noemi hatu yuikĩ: —Ana ea Noemi wãkĩ kenama ea kenakinã, “Mara” ea wakãwẽ, “Muka Aĩbu” wakinã, Deus kushipahaira dasibi binuatũ muka keskawẽ ea bika tenemakĩ mata waimakirã.