Êxodo 1:11 - Kaxinawá Bíblia (BR)

¹¹ haska hatu yunua txibãkĩ Israelĩ enabu hatu itxakawakĩ hau habũ hatu uĩkĩ hatu dayama txakayamanũbũ hatu yunuabu hatu bika tenemakĩ hatu dayama txakayamakĩ hanu piti aruti maewã dabe Pitom inũ Ramessés Egito shanẽ ibu Israelĩ enabũ hau benishunũbũ hatu yunua ashũkubainaibũ

Êxodo 1:11 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 47:11

hanushũ José hawẽ epa inũ hawẽ betsabu hau hanu hiweyunũbũ haska Faraónẽ yunushu keska wakĩ Egito mai pepa hatu pashkashũkĩ hatu yununikiaki, Ramessés pakeanuarã.

Êxodo 1:14

hatũ hiwea bikawakĩ hatuki besti txiti itã hatu daya kushipahaira hatu amakĩ ha hiwe wati mai basi husia hatu pewamakĩ betsaburi hatuki sinatabetanã bai anuri hatu dayamakĩ hatu haska wakĩ Israelĩ enabu Egito nawabũ hatu nuitapahairawanibukiaki.

Êxodo 2:11

ma bari itxapahaira kakẽ Moisés ma huni ewahairatũ hawenabu Hebreu nawabu uĩ kashũ hatũ daya bika daya txakayamaibũ hatu uĩbaũkĩ hawenabu Hebreubu bestitxai Egito nawa pubenẽ kusha kusha akaya betxitã

Êxodo 3:7

ana Senhor Deusũ shabakabi yuikĩ: —Egito anushũ enabu itxakawaibu shabakabi ẽ hatu uĩmis ẽ unaiĩ. Hatu dayama txakayamaibũ hau ẽ hatu merabewanũ nuitapai hãtxawẽ ea yukaibu ẽ nĩkaii.

Êxodo 5:10

hanua Egito nawa yununikabu inũ Israelĩ enabũ hatu dayamakĩ tananikabu mae betsa betsapa anu bushũ Israelĩ enabu hatu yuikĩ: —Faraónẽ nuku yunushurã, matu yuinũ ea nĩkakãwẽ. “Basi tsusĩ txũkish nũ ana matu inãmakiaki.

Êxodo 5:15

haska hatu wabu Hebreubũ hatũ daya tanamisbu dasibi Faraó anu bushũ kashai keskakĩ Faraó yuikĩ: —Shanẽ ibuhairatuũ, haskakĩ mĩ dayarubu mĩ nuku bika tenemai?

Êxodo 5:8

Mã hatu inãmabia shaba tibi hati kaĩmakubaĩmisbu hatu henemama ana habiatiri hatu amakubaĩkãwẽ, betsa maewamarã. Natiã txikishkĩ ea ea akĩ: ‘Nukũ mekenika Deus kẽwaĩ kashãpa?’ akĩ ea yukakanikiki.

Números 20:15

Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.