Ester 8:17 - Kaxinawá Bíblia (BR)

¹⁷ hanira província tibi inũ mae tibi inũ hiwebaunabu anu shanẽ ibuhairatũ yunuti bei hikiabu yununikabũ hatu banabimabuwẽ taea Judeu nawabu benima txakayamai piti washũ pi besibaunaibũ ha dikabi Judeu nawabũ hatu maematã hamapai sharabu haya hatu mebĩtirubuwẽ taea hatuwẽ datei nawa betsa betsapabia: “Nũ Judeu nawaki”, ikubainibukiaki.

Ester 8:17 Referencias Cruzadas

Gênesis 35:5

hatu haska wamabaini tashnibainaibũ mae tibi anua Deusũ hatu datemabaunaiwẽ taeshũ Jacó hawenabube detekatsi ibiai datekĩ hawẽ bakebube txibãma inibukiaki.

Ester 9:19

hakia mae hatiubuma inũ mae kenekauana hayabuma anu Judeu nawabu hiweabu ushe Arartiã shaba 14tiã benimakĩ piti mirima pewatã pi besikĩ hatũ hamapai inananãbukunibukiaki.

Ester 9:2

Província tibi hanu shanẽ ibuhaira Assuerõ hatu yunumis anu habũ hatu txakabuwakatsis ikaibu hatube detenamenũ ika mae tibi Judeu nawabu hiwea anu itxabu yura shukuabu tibi hatuwẽ datehairakĩ hatu merabewakatsis ikaibuwẽ taea haratura hatu berukubaũtirubu ma mesea dakanibukiaki.

Ester 9:22

Ha shaba dabetiã hatuki sinataibu Judeu nawabũ hatu maemakĩ yamawatã habias ushe punu nuka datei kasha txakayamabiashinabu maĩ beshteketã habu benimakĩ besi taewabainibukiaki, ha shaba dabetiã inananãbukũkĩ ha dikabi nuitapaibu merabewakĩ hatu inaĩ benimai Judeu nawabu dasibi hau besikĩ pikubaĩshanũbũ hawa henetima wakinã.

Ester 9:27

hamebi inũ hawenabu pakubaĩshanaibu inũ Judeumabia hatũ beya txibãkĩ ibubis txani: “Nũ Judeu nawabuki”, ikubainaibu ano tibi ha shaba dabetiã anu haska Mardoqueũ hatu yusĩma txibãkĩ hawa hakimama Purim besiti beya hau akubaĩshanũbũ Judeu nawa shanẽ ibu dasibibũ hatu yusinikiaki.

Ester 9:3

Shanẽ ibuhairatũ hiwe anu Mardoqueu shanẽ ibu beshmas ikũkaini shaba tibi yununikai kushipakũkainaya província tibi anu hakiri txaniakeakebaunaibu shanẽ ibu Mardoqueũ kushipawẽ datekĩ maewã yununikabu tibi inũ, província yununikabu tibi inũ, província yununika beshmasbu tibi inũ, Assuerõ shanẽ ibu beshmasbũ Judeu nawabu merabewakubainaibũ

Êxodo 15:16

Ẽ Shanẽ Ibu Senhor Deusuũ, Egito nawabu kushipa anua mebĩtã mina wakĩ mĩ nuku iweaya nũ hatu daĩbaĩkĩ keyuriama mĩ kushipawẽ datei mishki keskai hawa tukuama hau pes manishanũbũwẽ!

Josué 2:11

Mã haskakubiranai nĩkai nukũ huĩti nishma matu tsuã binutirumawẽ taea tsua nũ ana shinã txãkãbumaki. Matũ mekenika Senhor Deusũ hamapai nai anu inũ hamapai mai anu mekenika menã datã akĩ na habiatiã ea yubarikãwẽ. Ẽ matuki txanitxakama arukĩ duawashũwẽ taeshũ ẽ epã enabu mã duawashanũ Senhor Deusũ kenawẽ ea yubakãwẽ.

Josué 2:9

—Na mai pakea Senhor Deusũ matu ibu wamaikiki, ẽ unanã. Dasibi nenu hiweabu nũ datei keyuaii, matuwẽ taearã.