Ester 8:15 - Kaxinawá Bíblia (BR)

¹⁵ shanẽ ibutã sãpu tima tari nãketapa inũ hushupa sawea mane ouro maiti hawẽrua sawea shanẽ ibũ yabukuti tari mãyunepa tashi ushna duakabi peyabukukaini shanẽ ibuhairatũ hiwe anua Mardoqueu tashnikainaya Susã anu hiweabũ uĩtã benimahairai sai sai ikubainaibũ

Ester 8:15 Referencias Cruzadas

Gênesis 41:42

hanushũ Faraó shanẽ ibuhairatũ hatũ besuubi hawẽ meitxikiti metseketã José sawematã hanushũ hawẽ tsumabu yunukĩ hau tari pe hawẽrua txasha txasha ikai sawemakĩ inũ ouro teuti teumakĩ hatu hawẽrua wamatã

Ester 1:6

Shanẽ ibũ hiwe hemaĩtĩ betsa betsapa anu dau wakĩ hawẽrua wakĩ mãkã hushupa txibu tibi anu mane hushupa prata meitxikitiya haki neshatã dispi nãke tashi mirĩ haki dispi meitxikiti haki kawẽbaĩshũ tari pepa hushupa inũ nãketapa pũtebainabu mãkã hushupa inũ meshupa datsa pewanibu inũ pau hawẽ nashpa yẽkẽhaira hemaĩtĩ tibi anu kekubaĩkĩ keyutã hanu huĩrukuĩ ouro maneki dakai bashti ika huĩrukũti inũ prata maneki dakai bashti ika huĩrukũtiri hemaĩtĩ tibi anu tsaũbaũshinabu

Ester 10:2

Haska yununika kushipa wakĩ Mardoqueu katuni inũ hawẽ kushipawẽ dasibi Assuerõ akubaini haska Média nawa shanẽ ibuhairabu inũ haska Pérsia nawa shanẽ ibuhairabũ akubaĩmisbu una merã Assuerokiri miyui kenerianibukiaki.

Ester 5:1

Shaba dabe inũ besti binutã hawẽ shanẽ ibu tari hawẽrua Esterĩ sawetã shanẽ ibuhairatũ hiwe anu kai hemaĩtĩ kenekauna uke merã hikikaĩ ha shanẽ ibuhaira Assuero hawẽ tsauti anu tsaua ha dĩtu hikiti shui bepeã anu Ester kakaĩ nishũ manaya

Ester 5:11

bushũ hatu yuiabu dasibi bei haki nukui itxaibũ ibubis kẽkĩ hatu yuikĩ: —Mabu inũ pei mirima ẽ hayaki. Ẽ bakebu itxapaburi ẽ hayaki. Shanẽ ibuhaira merabewanikabu inũ hawẽ shanẽ ibubu beshmasbu ea hatu binumakĩ ẽ habetã yunukubaĩshanũ shanẽ ibuhaira Assuerõ ea katuima ea besti ẽ pehairaki— itã

Ester 6:11

dakeyabi shanẽ ibũ tari inũ shanẽ ibuhairatũ cavalo hatu mebĩbaĩ Mardoqueu anu kashũ tari sawemashũ cavalo katsaũtã maewã Susã namakis hanu itxa hãtxanamemisbu shaba ewapa anu cavalo dispi sheweshekeawẽ iyubaũkĩ hui kushipawẽ yuikĩ: “Na huni shanẽ ibuhairatũ betxipaikĩ duawairã, ẽ eska washũkubaunaii”, akĩ hawẽtsaĩs yuiyatãkĩ ana iwekẽ

Ester 6:8

shanẽ ibũ tari mĩ sawemis hau benũbũwẽ. Mĩ haki katsaumekũkaĩmis cavalo shanẽ ibũ ouro maiti sawea hau berianũbũwẽ.

Ester 8:14

Shanẽ ibuhairatũ hatu yunuawẽ taea kene bunikabu cavaloki katsaumetã hawa manama hawaira kaĩbaini buabũ shanẽ ibuhairatũ maewã kushipa Susã anu habias yunuti hãtxa hatu banabimai hatuki txaniriabaunabu

Provérbios 11:10

Huni pepabũ hatũ daya pepawẽ hamapai itxawaibũ mae anu hiwea dasibibu benimakubaĩmisbuki. Hamẽ txakabubu mawaibũ mae anu dasibi hiweabu benimai besimisbuki.

Mateus 11:8

Haskamẽ? Haskamaraka? Haskara hakiri kaĩaĩ mã uĩtãtanimamẽ? Hunĩ tari pepa sawea daka? Tari pepa sawea mabu akũhairayabu hatũ shanẽ ibũ hiwe hawẽrua anu besti hiwea ikaibu mã uĩtiruki.

Mateus 6:29

Hua haskabiamiskẽ nukũ shenipabu shanẽ ibu Salomão mabuhairayatũ hawẽ tari hawẽrua karuhaira saweshũ hawẽruakĩ hua binuama iniki.

Lucas 16:19

hanushũ Jesusũ hawẽ yusĩti betsawẽ hatu yusĩkĩ yuikĩ: —Huni betsa mabuhairaya inũ bai itxapayatũ shanẽ ibukĩ tari pepas sawekĩ pei itxapa putashũ hawẽ haibuaibus pimai hatube beyusi nawai benimakũkainiki, hawẽ xinã betsa wamarã.