Ester 6:11 - Kaxinawá Bíblia (BR)

¹¹ dakeyabi shanẽ ibũ tari inũ shanẽ ibuhairatũ cavalo hatu mebĩbaĩ Mardoqueu anu kashũ tari sawemashũ cavalo katsaũtã maewã Susã namakis hanu itxa hãtxanamemisbu shaba ewapa anu cavalo dispi sheweshekeawẽ iyubaũkĩ hui kushipawẽ yuikĩ: “Na huni shanẽ ibuhairatũ betxipaikĩ duawairã, ẽ eska washũkubaunaii”, akĩ hawẽtsaĩs yuiyatãkĩ ana iwekẽ

Ester 6:11 Referencias Cruzadas

Esdras 6:13

Haska Dariõ hatu yunuima Hene Eufrates kesha betsauri bari kaikiri mai pakea betsa yununika shanẽ ibu beshmas Tatenai inũ habianuri shanẽ ibu betsa beshmas Setar-Bozenai inũ habe dayamisbũ uĩtã haska ma hatu yunuima hawa kaneama akubaĩkĩ keyunibukiaki.

Ester 6:10

nĩkatã hawẽ hãtxa betxipaikĩ Assuerõ Hamã yunukĩ: —Hawaira kaĩkaini kashũ ẽ tari inũ ẽ cavalo beabu hatu mebĩtã Judeu nawa Mardoqueu ẽ hiwe hemaĩtĩ kenekauana hikiti shui anu ma tsaua iyukĩ habias mĩ yuishu keska wakĩ ea duawashũtãwẽ. Haska mĩ ea yuishu keska ea ashũkĩ hawa kane taskama akĩ keyuwe— aka

Ester 6:12

maewã anu imabaũkĩ hatu uĩmakĩ keyutã cavalokia butea shanẽ ibuhairatũ hiwe hemaĩtĩ kenekauana hikiti shui anu Mardoqueu txĩtũkaĩ ana tsauaya Hamã hawaira kaini punu nukahairai dake pae tenei tariwẽ bepukua hawẽ hiwe anu kai hikitã

Ester 8:15

shanẽ ibutã sãpu tima tari nãketapa inũ hushupa sawea mane ouro maiti hawẽrua sawea shanẽ ibũ yabukuti tari mãyunepa tashi ushna duakabi peyabukukaini shanẽ ibuhairatũ hiwe anua Mardoqueu tashnikainaya Susã anu hiweabũ uĩtã benimahairai sai sai ikubainaibũ

Ester 9:3

Shanẽ ibuhairatũ hiwe anu Mardoqueu shanẽ ibu beshmas ikũkaini shaba tibi yununikai kushipakũkainaya província tibi anu hakiri txaniakeakebaunaibu shanẽ ibu Mardoqueũ kushipawẽ datekĩ maewã yununikabu tibi inũ, província yununikabu tibi inũ, província yununika beshmasbu tibi inũ, Assuerõ shanẽ ibu beshmasbũ Judeu nawabu merabewakubainaibũ

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.