Ester 3:13 - Kaxinawá Bíblia (BR)

¹³ hanu Assuerõ yunuai anu hiweabu tibi anu kene bunikabu yunuti hãtxa bumakeakekĩ ushe 12 hawẽ kena Adar shaba 13tiã hanu Judeu nawabu berunãbu inũ, txipashbu inũ, anibu inũ, yushabu inũ, bake mishtĩbu inũ, aĩbuaibu dasibi habias shabatiã hatu detekĩ yamawatã hatũ mabu sharabu hayabu hau bishanũbũ Hamãnẽ hatu yununikiaki.

Ester 3:13 Referencias Cruzadas

Ester 7:4

Ea inũ enabu yamawakĩ keyukatsis ikĩ pei mia inãnũ, ishũ mia parãshinaki. Dayaru escravobu nuku wakĩ peiwẽ nuku mia hatu inaĩmabunã, eanã, ẽ mia yuiama ikeanaii, na nukuki sinataitũ haska betxipaiaiwẽ hawẽ shanẽ ibu nuku txakabuwamairã— aka

Ester 8:5

Assuero yuikĩ: —Txanima kayabi ea betxipaikĩ mĩ ewẽ benimaimẽkaĩ. Mĩ nukũ shanẽ ibukẽ haska ẽ mia yukai pemẽkaĩ. Hawara ẽ mia ea akai pe shinãkĩ Hamedatã bake Hamãnẽ yunuti hãtxa hatu bumaima nemakĩ hau ayamashanũbũ mĩ ana kene bena wakĩ nuku hatu yunushũtiruki, hanu província tibi mĩ yunumis anushũ Judeu nawabu hau tenãyamashanũbunã.

Ester 9:1

Ushe 12tiã hawẽ kena Adar inũ shaba 13tiã shanẽ ibuhairatũ yunuti hãtxa dabe hau anũbũ Judeu nawabuki sinataibũ hatu maemakatsi ibiaibũ hatu haska wamama Judeu nawabu hatuki sinataibu hatu maemanibukiaki.

Ester 9:5

hatuki sinataibu matxatu txaipawẽ Judeu nawabũ hatuki sinataibu hatu detekubaĩkĩ haska wakatsis ikĩ ma hatu yamawakĩ keyubaunaibũ

Romanos 3:15

Hawẽ taewẽ kuxikaĩkĩ yura betsa detekĩ himi txara txara imamiski.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

1 Samuel 15:3

Na habiatiã Amaleque nawabu anu bushũ hatu detekĩ keyutãkãwẽ. Hatuwẽ hawa nuiama dasibi hatu yamawakĩ keyutãkãwẽ. Hunibu inũ, aĩbuaibu inũ, bake mishtĩbu inũ, dama kaĩshinabu hatu tenã keyukĩ hanushũ hatũ ina awa inũ, hatũ txashuwã inũ, hatũ camelo inũ, hatũ jumento hatũ mabu dasibiyabi yamawakĩ keyutãkãwẽ”, akĩ Senhor Deusũ ea yuikĩ mikiri haska hãtxashinaki— aka