Ester 2:16 - Kaxinawá Bíblia (BR)

¹⁶ Assuero shanẽ ibui 7 ano kai 10 ushe hawẽ kena Tebete keyuriamatiã shanẽ ibuhaira Assuero anu hau hawẽ yura uĩmai kanũ habũ Ester iyuabu

Ester 2:16 Referencias Cruzadas

Esdras 7:8

Artaxerxesĩ hatu yunukubaini ma 7 ano kaya ha shaba ha dukũ inũ, ushe ha dukũ ikaitiã Babilônia anua unanuma tashni taebirani maĩ bukubainaibũ Senhor Deusũ hatu duawakĩ merabewaya shaba ha dukũ inũ ushe 5tiã Jerusalém anu hikinibukiaki.

Ester 2:1

Txipu hatiãra sinataima maĩtã haska waima inũ haska hakiri kene txakabu wakĩ itxakawabiaima Assuerõ Vastikiri ana shinãyã

Ester 2:15

Mardoqueũ epa betsa Abiailĩ aĩbu bake Ester hau hari Assuero anu katanũ hawẽ merabewanikabũ Ester pewakubainaibũ Esterĩ dasibibu hatu pe shinãmakubainaiwẽ taeshũ aĩbuaibu bebũkiri haska iki kai hatũ mekenika Hegaĩ yunua besti Ester habe iki kaya

Ester 2:17

Ester hawẽrua Assuerõ uĩkĩ txutashu haska aĩbuaibu hatiri betxipaibiakubaĩkĩ hatu binumakĩ Ester betxipaihairaya txipash hawẽruabũ Assuero benimawakubainimabu hatu binukĩ Esterĩ Assuero benimahairawa shanẽ ibũ ouro maiti sawemashũ Vastĩ shãtukũ Ester katukĩ hawẽ aĩ kayabi wanikiaki.

Ester 2:3

Txipash hawẽruabu katushũ na maewã Susã anu ha aĩbuaibũ hiwe ewapa hawẽrua nukũ shanẽ ibuhaira haya anu hau hatu iwenũbũ província tibi hanu yunumis anua huni pepabu Assuerõ hau hatu katunũwẽ. Hanushũ habũ txipash hawẽruabu katushunimashũ ma hatu iweabũ aĩbuaibu mekenika Hegai hubu binibutũ hau hatu mekekubaĩshanũ nũ yunutiruki. Hawẽ hawẽrua wati dauwẽ Hegaĩ hatu pewakubaĩkĩ

Ester 8:9

ushe 3tiã hawẽ kena Sivã shaba 23tiã shanẽ ibuhairatũ keneshunikabu hawaira Mardoqueũ hatu kena bei itxashũ maewã bari huaikiria Índia anua taekirana 127 província bari kaikiri inũ sulkiri Etiópia anu depia hanu Assuerõ hatu yunumis anu hiweabu Judeu nawabu shukuabu tibi inũ, maewã yununikabu tibi inũ, província yununikabu tibi inũ, yura shukuabu betsa betsapa shanẽ ibubu tibi hau hatu bushũtanũbũ habũ hãtxa inũ haska kenemisbuwẽ Mardoqueũ yunuti bena hatu kenemabu