Esdras 7:6 - Kaxinawá Bíblia (BR)

^6-7 Israelĩ enabu mekenika Senhor Deusũ hawẽ yunuti hãtxa inũ hawẽ nemati hãtxa Moisés yuia Moisĩ keneni ibubis tapĩhairanishũ Esdrasĩ hatu yusĩkubaĩmiswẽ taeshũ Esdras Senhor Deusũ merabewai uĩkubainaiwẽ taeshũ shanẽ ibuhaira Artaxerxes anu kashũ Esdras haskakatsis ikĩ yuka: “Peki”, akimawẽ taea shanẽ ibuhaira Artaxerxesĩ hatu yunui 7 ano kaya Babilônia anua Jerusalém anu txĩtuĩ Esdras hati hawenabuya hunikiaki, hatiri Deusbe hawenabu hãtxashunikabu inũ, Levĩ enabu inũ, kãtamisbu inũ, beputi mekenikabu inũ, Deus kẽwãti hiwe dayarubu Esdrasbe buirã.

Esdras 7:6 Referencias Cruzadas

Gênesis 32:28

—Deus inũ hunibu binũkatsi ikũkaĩkĩ mĩ ma hatu maemaki. Haskawẽ taeshũ habũ mia ana Jacówẽ kenabuma ishãkanikiki. Hakia mia kenakĩ: “Israelki”, akĩ mia kenashãkanikiki— aka Israel nukũ hãtxarã, “Deusbe mĩ ma binunameaki” aka

Esdras 6:22

Israelĩ enabu mekenika Deus kẽwãti Templo hau bena wanũbũ Pérsia nawa shanẽ ibuhairatũ hatu betxipaikĩ hatu merabewakubainimawẽ taea Judá enabu benimahairakĩ 7 shaba binui ana ha katxu besikĩ misi shashawatiuma ashĩshũ benimakĩ pikubainibukiaki.

Esdras 7:21

Haska inũ, mã enaburã, ea ẽ shanẽ ibuhaira Artaxerxesĩ Hene Eufrates bari kaikiri anua mã pei mekenikabu dasibi ẽ matu yunuaii. Deus nai anuatũ yunuti hãtxa unãhairai Esdras hawenabu Deusbe hãtxashũmistũ hawara dasibi matu yukai hawaira inãshãkãwẽ.

Esdras 7:28

Habiaskari wakĩ ea shinã txãkãwãkĩ hatu bebũshũ hatũ shanẽ ibuhaira inũ, hawẽ unanepabũ merabewamisbu inũ, hawẽ shanẽ ibu beshmasbu hatuwẽ ea nuimakĩ mĩ hatu ea betxipaimaimaki. Haskawẽ taea Jerusalém anu Israelĩ enabu shanẽ ibubu unanepabu hau ebe txĩtunũbũ hatu itxawatã ẽ hatube txĩtuĩmaki”, akĩ Esdras Deusbe hãtxakĩ yuinikiaki.

Esdras 7:5

Buquĩ eparã, Abisua inikiaki. Abisuã eparã, Finéias inikiaki. Finéiasĩ eparã, Eleazar inikiaki. Eleazarĩ eparã, Arão ha dukũ hawenabu Deusbe hãtxashunika ipaunikiaki.

Neemias 2:12

Jerusalém anushũ hawara ẽ ashanai Deusũ ea shinãmaima hawa tsua yuiama meshu merã bututã ẽ huni eskarabesbetã uĩ kai ea besti cavaloki katsaumea kauani

Neemias 2:18

haska Deusũ ea duawakĩ merabewashina inũ haska Pérsia nawa shanẽ ibuhairatũ ea pe yuishina ẽ habu yuia habũ ea kemakĩ yuikĩ: —Haskakenã, dayai taeribaunãkãwẽ!— iki dasibibũri hatu benimawakeakeaibũ

Neemias 2:8

Ha inũ, mĩ yunua betsarã, hatũ hi shukua mekea hawẽ kena Asafe anu ea hatu kenemashũriawe. Deus kẽwãti hiwe beputi inũ, mae mishkiwẽ kenebaunibu hikiti shui beputi ẽ washanai inũ hanu ẽ hiweshanai anu ẽ beputi ẽ washanai hau ea yunushanũ ea yuishũwẽ— akĩ ẽ Deus nuikipahairatũ ea merabewaya shinãkĩ ẽ shanẽ ibu ẽ yuia haska ẽ yukai keska ea merabewayamaki.

Neemias 4:15

hatu nemanũ ika ma dasibi nũ pei keyuabũ ha inũ habu haska nukuki sinataibu yubakaibu Deusũ hatu itimaska wakĩ keyua habũ nuku nĩkatã hatũ mae anua beabumawẽ taea nukubũ mae mishki kenebauni hanu bestibu tibi nũ dayashinabu anu nũ ana taeaibũ

Neemias 8:1

Jerusalém anu hanu ũpash biti beputi shui bebũ hemaĩtĩ shaba ewapa anu yurã kaiã dasibi hanus itxabũ haska Senhor Deusũ Israelĩ enabu shinãmakĩ hawẽ yunuti inũ hawẽ nemati hãtxa una merã Moisĩ hatu keneshuni hau benũ kenenika yusinã Esdras yuiabu

Provérbios 3:6

Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Mateus 13:52

ana nuku yuikĩ: —Hawẽ hiwe anushũ huni betsã hawẽ mabu betsa tibi arutã mekea unaĩkiki, mabu bena inũ shenirã. Haska tibi arumiswẽ taeshũ hawara mabu pepa bena inũ sheni ha dabe kaĩmamis keska wakĩ Deus shanẽ ibuaikiri ẽ yusĩa bena inũ yusĩa sheni katukubaĩkĩ eari txibãkĩ ea ikũwãriatã Deusũ hãtxa kenenibu yusĩnanãmisbũ hatu pe yusĩriatirubuki— nuku watã

Mateus 23:2

—Deusũ hãtxa kenenibu yusĩnanãmisbu inũ fariseubũ Moisés hãtxa keneni matu yusĩkĩ ikũ hãtxa kaneama matu yuimisbuki.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

1 Coríntios 1:20

Haska inũ, yura betsabu unãnepabiabũ Deusũ hatu binumiski. Betsabũri Deusũ nemati inũ hawẽ yunuti yusĩnanãbiamisbũ Deusũ hatu binuriamiski. Betsaburi yura betsabe ha irabekĩ binubiamiskẽ Deusũ unãkĩ dasibibu binumiski. Haskakẽ Deusũ dasibi unãhairakĩ haska yurabũ xinãtiru binukĩ unaĩsmapabu keska hatu wamiski.

1 Coríntios 15:1

Ẽ betsabu inũ ẽ puibuũ, Deusũ kakape Jesuskiri ẽ matu yusĩayã nĩkakĩ xinãtxakayamakĩ unãshubira abukĩ Jesus mã ikũwãnishũ txibãkĩ xinãkubaini txĩtuãma mã kuxipakũkainaya ha kakapewẽ Deusũ matu mekeawẽ taea mestẽtã mã hamẽ ikũwãma ini unãkĩ matu ana yuinũ nĩkairakãwẽ.

Deuteronômio 4:5

Haskakẽ matunã, uĩrakãwẽ. Hanu mã hiweshanai anushũ hawẽ hãtxa mã txibãkubaĩshanũbũ Senhor Deusũ hãtxa kushipa inũ hawẽ yunuti inũ hawẽ nemati hãtxa ea yuikubirana ẽ matu yusĩriakubiranimaki.