Esdras 7:25 - Kaxinawá Bíblia (BR)

²⁵ Hamẽ miarã, Esdrasĩ, ea nĩkawe. Haska mĩ mekenika Deusũ mia tapĩmakĩ yusĩmis txibãkĩ Hene Eufrates bari kaikiri hene kesha betsauri hiweabu mĩ mekenika Deusũ hãtxa unaĩbu inũ unãbuma hatu yusĩkubaĩwẽ. Ha inũ, hau habũ mae mekekĩ yununũbũ hatũ yununika kushipabu katukĩ hatũ shanẽ ibu beshmasbu katukĩ hatu yunushãwẽ, hau habũ hawa kaneama hatu pe mekekĩ yunukubaĩshanũbunã.

Esdras 7:25 Referencias Cruzadas

Gênesis 41:38

Faraónẽ hatu yuikĩ: —Na huni keskarã, hania haska huni nũ haki nukutirumẽ, Deusũ yushĩ hayarã?— hatu atã

Gênesis 41:39

José yuikĩ: —Tsua mia keska unanepa hayamaki, Deusũ dasibi unãmakĩ yuimamisrã.

1 Reis 3:28

ha aĩbu dabe ha irabeaibu hatũ txakabu unãti watã Salomãonẽ hatu pewashina Israelĩ enabũ nĩkaibũ, hau Salomão unanepakĩ pe hatu yunukubaĩshanũ Deusũ haska inaĩma hatu pewakĩ unãkubainai dasibi Israelbũ unaĩ hawẽ datekĩ hawa txakabu hakiri yuiama ikubainibukiaki.

Esdras 6:6

Haska keneni betxishunabu uĩtã Hene Eufrates kesha betsauri bari kaikiri mai pakea yununika hawẽ kena Tatenai inũ habianuri shanẽ ibu beshmas Setar-Bozenai inũ habe dayamisbu hatu yunukĩ Pérsia shanẽ ibuhaira Dariõ eska hãtxa hatu kenematã hatu anu yunukĩ: “Maturã, Jerusalém henebirani kaĩribirãkãwẽ.

Esdras 7:10

Haska Senhor Deusũ yununi hawa betsa wama mestẽwãkatsi ikĩ uĩkubaĩkĩ hawẽ yunuti hãtxa inũ hawẽ nemati hãtxa hawenabu yusĩkĩ hatu txibãmashanũ, iwanã, Esdrasĩ shinanikiaki.

Esdras 7:14

Deusũ yusini hãtxa mĩ haya txibãkĩ Judá enabũ mai pakea anu inũ Jerusalém anu haskara hiwebaunabu uĩkĩ mĩ tapĩkubaũshanũ ea shanẽ ibuhaira inũ ẽ 7 unanepã ea merabewamisbũ nũ mia yunuaii.

Salmos 19:7

Senhor Deus yusinananirã, kanema pehairaki, Hiwea bena inananãmiski. Hawẽ yunua betsa waisma ikũ kayabiki. Yurabũ hawa unãriama pepabu unanepa hatu wamiski.

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Provérbios 6:23

Txanima ha yunuti hãtxa inũ ha yusĩti hãtxarã, mĩ kai anu bĩ ewapa dekua txasha keskaki. Mĩ kaneai nemakĩ mia pewaibu inũ hawẽ shinãmati hãtxa mia yusiaĩbu txibaĩ hiwea kayabi mĩ hayashanaii.

Malaquias 2:7

Maturã, ea Deus dasibi binuatũ mã ẽ hãtxa bunikabuwẽ taeshũ ekiri hatu yusĩkĩ txanima mã hatu ea unãmanikabuki. Matu anu yurabu beshũ matu anua ẽ hãtxa kaiaĩ tapĩkĩ bikubaĩshãkanikiki.

Mateus 13:52

ana nuku yuikĩ: —Hawẽ hiwe anushũ huni betsã hawẽ mabu betsa tibi arutã mekea unaĩkiki, mabu bena inũ shenirã. Haska tibi arumiswẽ taeshũ hawara mabu pepa bena inũ sheni ha dabe kaĩmamis keska wakĩ Deus shanẽ ibuaikiri ẽ yusĩa bena inũ yusĩa sheni katukubaĩkĩ eari txibãkĩ ea ikũwãriatã Deusũ hãtxa kenenibu yusĩnanãmisbũ hatu pe yusĩriatirubuki— nuku watã

Marcos 6:34

Jesus shashuwẽ kai keti itã shashu anua butukaĩkĩ yurã kaiã uĩ hatuwẽ nuihairakĩ habu txashuwã uĩnikauma keskabuwẽ taea hatuwẽ dabanã ikĩ hatu yusĩ taewashũ betsa betsapawẽ hatu yusĩbaiaya

Colosenses 1:28

Haska Cristokiri matuki txanikĩ matu yusĩkĩ nema pewakĩ dasibi matu unãnepa wakĩ haska Cristo bebũ mã pepa mapushanũbũ nũ matu yusĩmiski.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.