Esdras 3:11 - Kaxinawá Bíblia (BR)

¹¹ betsabũ kẽwaĩ kãtaibũ betsabũri kemakĩ: “Senhor Deus pepaki. Israelĩ enabu betxipai nuimis hawẽ nui keyutimahairaki. Pepawakĩ benimawanãkãwẽ”, ikubainaibũ Senhor Deus kẽwãti hiwe bena wakĩ ma taewaibuwẽ taea yurã kaiã benima txakayamai sai sai ikĩ Senhor Deus kẽwãkubainaibũ

Esdras 3:11 Referencias Cruzadas

Salmos 100:5

Senhor Deus pepa bestiwẽ taeshunã. Hawẽ nui paerã, keyutirumaki, ikibi ikarã. Hawẽ shinã betsa waisma ipakeikiki, keyuismarã.

Êxodo 15:21

hatu kebi Miriã kãtakĩ: “Egito nawabu nuku binumakĩ hatu yamahairawashuwẽ taeshũ Senhor Deus kẽwaĩ kãtakubainãkãwẽ, ianẽwã merã cavalo inũ katsaumenikabu ianẽwãwẽ hatu yamahairawashurã”, ikaya aĩbuaibũ hatũ mimawati tsuma Miriãbe nawai shekebaunibukiaki.

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Josué 6:10

habiatiãri Josué hawẽ detenamenikabu hatu dasibi ana yuikĩ: “Matũ hui hau nĩkayamanũbũ sai sai iyamakãwẽ. Ha dikabi: ‘Sai sai ikãwẽ’, iwanã, ẽ matu yunuriama hãtxama pes buaketãyukãwẽ. Txipu: ‘Hui kushipawẽ sai sai iki keyukãwẽ’, akĩ ẽ matu yunushanaii”, hatu watã

Josué 6:16

Deusbe hawenabu hãtxashunikabũ txã txã akĩ heneabuma hawẽ henei sétimotiã buãkĩ txã akĩ txaipa waibũ Josué hatu yunukĩ: “Sai sai ikãwẽ, na maewã Senhor Deusũ ma nuku inaĩkikirã.

Josué 6:5

Haska hatu yunushina itã itani keyutã mapubaunabũ txashuwã mashũ txã akaibu hui kaĩ betsatanaya nĩkatã dasibi hau hui kushipawẽ sai sai ishanũbũwẽ. Ha sai sai ikaibũ hawẽ nemati mishki kenebaunibu hamebi di iki keyuaya huni dasibi hauri besuabuuri bui hatu detenũ ika mae merã hau hikibaĩshanũbũwẽ”, aka