Esdras 1:6 - Kaxinawá Bíblia (BR)

⁶ hanua habu hatu dapi Babilônia anu nawabu hiwebaunabu habu dayai buaibu hatu merabewakatsis ikĩ hawa yaushiama hatũ mabu betsa betsapa inũ, hatũ prata pei heshe inũ, hatũ ouro pei heshe inũ, mabu pepa sharabu inũ, mabu pepa karuhaira inũ, hatũ inabu hatu inãbirãbiranabu

Esdras 1:6 Referencias Cruzadas

Esdras 1:4

Tsuabura nenu benibu inũ, hawẽ bakebu hiweyuabu inũ, mae betsa tibi hiweabu hatũ mae henebaini Jerusalém anu ana txĩtũbaĩ hatu merabewaibũ mã ha dapi hiwebaunabũri matũ prata pei heshe inũ, ouro pei heshe inũ, hawara mabu betsa betsapa inũ, inabu hau hatu inãkubaĩshanũbũwẽ. Ha dikabi Jerusalém anushũ mekenika Deus kẽwãti hiwe hawẽrua waibu hatũ inãkuĩ yaushiama hau hatu inãkubaĩshanũbũwẽ”, hatu wa

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

Êxodo 12:35

haska Moisĩ yunushina hatũ ouro mabu inũ, hatũ prata mabu inũ, haya besiti tari Egito nawabu hatu ea amabaũshina

Êxodo 12:36

Senhor Deusũ Egito nawabu hatu mesewashunaya hamapai sharabu ea ikaibu Egito nawabũ hawaira hatu inã inã abaunaibũ hatũ mabu dasibi bukĩ Israelĩ enabũ Egito nawabu hatu nuitapahairawanibukiaki.

Isaías 35:3

Hanushũ babubu hatu shinã txãkãwãkĩ punu nukabu hatu kushipa wakãwẽ.

2 Coríntios 9:7

Haskakẽ yauxiama hatu merabewakĩ nukũ hawara benimayabi nũ hatu inãyã Deusũ abumiswẽ taeshũ tsuã matu yunuamabia bestibu haska mã yubaima keska hatu merabewai yauxibetanã inũ sinatabetanã inaĩ xinãma hawara mã pashkakatsi ikai hatu inãkuĩshãkãwẽ.